Vahebheru 8:10 - Bhiblia Yo Sawuleka

¹⁰ Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Vahebheru 8:10 Referans Kwoze

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

2 Vakorinto 3:3

Nguko ti ha kubasani ti to Kristu ngene a nga bhala dipapilo ni ku di rumela ngu ngathu. Dona kha da bhalwa ngu tinta, aniko di bhatwe ngu moya wa Txizimu txi txi hanyako; i si nga ka sileti sa marigwi, aniko di bhatwe timbiluni ka vathu.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Varoma 11:27

Se atxiya txi na va i di txona txitumelelano txangu, mbimo yi ni no thavisa sionho sawe.”

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

1 Pedro 1:23

nguko kha ma velekelwa ka mbewu yi yi sinako, aniko mi veleketwe ka mbewu yo mbi sina, ngu dipswi da Txizimu txi txi hanyako, txa yotshe mbimo.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Ezekhiyele 37:27

Kambe nyumba yangu yi na va hagari kwawe, ani ni na va Txizimu txawe, se vona i nava vathu vangu.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Jeremiya 32:38

Vona va na va vathu vangu, nanani ni nave Txizimu txawe.

Matewu 22:32

“Ani ni Txizimu txa Abrahamu, Txizimu txa Isaake, Txizimu txa Jakobe kani? Txona hi nga Txizimu txa vafi, aniko Njizimu txa va va hanyako.”

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Eksodha 34:27

Mkoma a wombile kambe ka Mosi a txi khene: “Bhala mapswi awa, nguko ni mahile ngu ona txitumelelano kumweko ni nawe ni va ka Israyeli.”

Ezekhiyele 39:22

Va nyumba ya ka Israyeli, va na tiziva taku ani ngani Mkoma, Txizimu txawe, kukhukhela ka ditshiku dile, ni kuya masoni.

Ndando ya Tindando 2:16

Txirandwa txangu njangu, nani ni wa txona; mtxhambi wakwe a wu dyisa hagari ka makhoñwa.

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

Hoseya 2:23

Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!

Eksodha 24:7

A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Eksodha 34:1

Sekoko Mkoma a wombile kambe ka Mosi a txi khene: “Vata sileti simbidi sa marigwi sa kufana ni so khata, kasiku ani ni bhala kambe mapswi ale ni nga ti bhate ka sileti so khata, asile u nga faya.

1 Vakorinto 6:16

Ina kha mi tizivi ti to awu a patanako ni digelegele a maha mmidi wumwewo kumweko nado kani? Nguko ti bhatwe taku: “Vambidi va na maha mmidi wumwewo.”