Vahebheru 8:1 - Bhiblia Yo Sawuleka

¹ Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Vahebheru 8:1 Referans Kwoze

Vakolosa 3:1

Ngako mi di wukile ka vo fa kumweko ni Kristu, lavani asi i ku sa txitimwi, ahawa a zumbako kona Kristu, awu a nga khalahatsha txineneni ka Txizimu.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Vahebheru 10:12

Kasi ene Kristu, a phaxile mhamba ya kudivalela sionho kumweko dwe. Msana keto, a ti ya khalahatsha txineneni ka Txizimu kala kupinduka;

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Masalmo 104:1

Bonga ka Mkoma awe dihika dangu! Mkoma, Txizimu txangu! Wa thisa ngutu ngu wuhombe; u ambate wudhundo ni wulamuli.

Masalmo 21:5

Wudhumo wakwe mbwa hombe, ngu mhaka ya kuhanyisa kwako; awe u mningile nduma ni kuxonipheka.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Vahebheru 1:13

Mwendo ngu ka yihi ngelozi, Txizimu txi nga yi gela, hambi ditshiku da dimwedo, txi txi kha txona: “Khalahatsha txineneni kwangu, kala kuza ni maha ava i ku valala vako txikhigelo txa mikondo yako,” kani?

Vaefesu 6:20

ayi ni ku muemeli wa yona kona kusungwani muwa; kasi ku ni sikota kuwombawomba ngu kutxhatxheka, nga ha ti fanelako kuva ni txhumayela.

Isaya 24:14

Avava va na guleta mapswi awe, ve embelela ngu kutsaka; ngu mhaka ya wudhumo wa Mkoma, va na huwelela kukhukhela lineneni.

Masalmo 145:12

kasi kuzivisa vanana va vathu mithumo yako ya hombe ni kuphatima ka wudhumo wa mfumo wako!

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Jobe 37:22

kuphatima ka nzalama kuta ngu wuphemba; nguko ka Txizimu ku ni kuthaviseka ka hombe.

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

Vahebheru 4:14

Aku athu hi ku ni mphaxeli wa hombe, awu a nga dhawula makenekene a txi ya huma nzumani, Jesu Kristu, Mwanana wa Txizimu, hi fanete kuva ni likholo la kutsana.