Vahebheru 7:5 - Bhiblia Yo Sawuleka

⁵ Se vanana va Levhi, ava va nga ningwa mthumo wa wuphaxeli, va tumelelwa ngu mlayo kuamukela wugumi wa si si humiswako ngu vathu va i ku vanawe, kasi ni vona mba lixaka la Abrahamu.

Vahebheru 7:5 Referans Kwoze

Vahebheru 7:10

Nguko, Levhi a ti ngadi ka titsho ta kokwani wakwe Abrahamu, mbimo yi ene a nga tshangana ni Melkisedheki.

Nehemiya 13:10

Ni to mana kambe ti to Valevhi kha va ningwa txyavelo txawe txatxidotho, ni ti to Valevhi ni vaembeleli, avale va nga ti thuma va tutumile, mmwani ni mmwani eya ditikoni kwakwe.

1 Vafumeli 8:19

Hambi keto khu na mbi yi aka nyumba yiya, sekoko mwanana wako, awu a no velekwa ngu ngawe, a na akela ditina dangu yiya nyumba.

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Vahebheru 5:4

M'thu a nga thuke a txi ti tekela apune txikhunja txiya; hahanze ka wule a nga dhanwa ngu Txizimu kufana ni Aroni.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Genesisi 46:26

Ava va nga tsula kumweko ni Jakobe ditikoni ka Egipta, ava i ku liveleko lakwe, hahanze ka vasikati va vanana vakwe va majaha, mtxhanu wa magumi ni dimwedo ni mtxhanu wa vathu ni mmweyo.

Eksodha 1:5

Votshe va nyumba ya ka Jakobe, i ti ti mtxhanu wa magumi ni mambidi a vathu. Kambe Josefa a ti ti maneka a di Egipta ngu kale.

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Dhewuteronome 26:12

Ka dilemba da wuraru, dilembe da sa wugumi, ngako u di gwitile kuthavisa sa wugumi ka sotshe sile u nga elula, u na si ningela ka Mlevhi, ni ka mluveli, ni ka wo felwa ngu vatate, ni noni, kasi kuva txi dya, ve khura amu didhoropani kwako.