Vahebheru 7:2 - Bhiblia Yo Sawuleka

² Ngene wuwa Abrahamu a nga ya mninga wugumi wa sotshe. Kambe ditina dakwe, kukhata, di womba ku “mfumeli wa kululama.” Ka wumbidi, mfumeli wa Salema ti womba ku “mfumeli wa kudikha.”

Vahebheru 7:2 Referans Kwoze

Mitengo 18:21

Wonani tito, vanana va ka Levhi ni vaningile sotshe sa wugumi si txi va thomba yawe, asi si humiswako sa miningelo ngu va ka Israyeli, ngu mhaka ya mthumo wu va mahako ditendani ka msengeletano.

Masalmo 72:7

Kudikha ni kululama si na tale kufumani kwakwe si na simame si diho, mtxima wu txi ngadi wu woninga!

1 Makronika 22:9

Wona taku, mwanana wule a no velekwa, a na va wamwamna wo thutha; nguko ni na mninga kudikha ka votshe valala vakwe ka madhawa otshe; ngu kumaha keto, ditina dakwe i nava Solomoni, se kudikha ni kuhumula ni na ninga Israyeli ka otshe masiku akwe.

2 Samuwele 23:3

Kuwombile Txizimu txa ka Israyeli Dirigwi da Israyeli di wombile tiya kwangu: Ku nava ni mlulami wu a no fumela txitimwi ka vathu, a na fuma ngu kuthava Txizimu.

2 Samuwele 8:15

Dhavhidha koko, a to fuma dotshe ditiko da Israyeli; e lamula ngu kululama ka votshe vathu vakwe.

1 Samuwele 8:17

A na teka sa wugumi ka mitxhambi yanu, se anu mi na va sithumi sakwe.

1 Samuwele 8:15

Se a na teka sa wugumi ka timbewu tanu ni ka mivhinya yanu e si ningela ka mithenwa yakwe ni ka sithumi sakwe.

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Varoma 3:26

txi mana kukombisa wunene wa txona ka mbimo ya konkuwa; kasiku txi va Txizimu txi txi nga lulama ni kuninga wululami ka wu a kholwako ka Jesu.

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Mika 5:5

Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

Levhi 27:32

Aniko sotshe sa wugumi ngu didhawa da tihomu ni tinvuta, ka sotshe sile i ku so dyiswa, sa wugumi sa kona si na lumba Mkoma.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Vahebheru 7:1

Melkisedheki wuwa, mfumeli wa Salema, mphaxeli wa Txizimu Nyatxitimwi, a to hingeta Abrahamu, awu a nga ti wuya ngu kuxulani ka vafumeli; se e mkatekisa.

Vahebheru 7:3

Ene kha nga ni tate, hambi mame, hambi lihunzu, kha nga ni makhato a masiku akwe, hambi magwito a kuhanya kwakwe, aniko a fana ni Mwanana wa Txizimu, i mphaxeli kala kupinduka.