Vahebheru 7:1 - Bhiblia Yo Sawuleka

¹ Melkisedheki wuwa, mfumeli wa Salema, mphaxeli wa Txizimu Nyatxitimwi, a to hingeta Abrahamu, awu a nga ti wuya ngu kuxulani ka vafumeli; se e mkatekisa.

Vahebheru 7:1 Referans Kwoze

Vahebheru 6:20

Ahawa a nga wulela kona Jesu ngu mhaka yathu, kota mthangeli, e mahwa Mphaxeli wa Hombe, madingano ni mlayo wa Melkisedheki.

Mika 6:6

Ni na ya ni di ni txani masoni ka Mkoma, ni txi ya nama ka Txizimu Nyatxitimwi kani? Ni nata masoni kwakwe ni di ni miphaxo yo hiswa, ni marole a dilembe dimwedo kani?

Masalmo 57:2

Ni na dila ka Txizimu, Nyatxitimwi, Txizimu txi txi ni ningako sotshe si ani ni si lavako.

Marku 5:7

Se a txi peka huwa ngu dipswi da hombe a txi khene: “I mhaka muni u ku nayo ni nathu, awe Jesu Mwanana wa Txizimu Nyatxitimwi?”

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Masalmo 78:35

Sekoko va ti ti khumbula ti to Txizimu i m'vhikeli wawe, ni ti to Txizimu Nyatxitimwi i ti mtiruli wawe.

Masalmo 76:2

Nyumba ya txona ya wukhongeli yi maneka Jerusalema; m'ti wa txona wu mmangoni ka Siyoni.

Mithumo 16:17

Se a to londeta Paulo ni nathu, na a txi kwangula, a txi khene: “Vathu vava mbathumeli va Txizimu Nyatxitimwi; vona va mi zivisa nzila ya kuhanyisa.”

Dhaniyeli 5:21

Se a to thaviswa hagari ka vanana va vathu, mbilu yakwe yi hunduka yi fana ni ya sihari, eya zumba ni timbongola ta txitinga; va to mmaha e dya mwasi, kufana ni tihomu, mmidi wakwe wu nakaniswa ngu mwando wa nzumani, kala kuza e tiziva ti to, Txizimu Nyatxitimwi, txa fuma txitimwi ka mifumo ya vathu, ni ku txa ninga wukoma, ka wule txi mrandako.

Dhaniyeli 4:2

Ni to wona ti to ndinene kwangu ku ni mi komba sikombiso ni sidiwukiso si Txizimu, Nyatxitimwi, txi ni mahelako.

Masalmo 78:56

Aniko Vaisrayeli va dukile Txizimu Nyatxitimwi, ve txi wukela, va si vekisi milayo ya txona.

Vahebheru 7:2

Ngene wuwa Abrahamu a nga ya mninga wugumi wa sotshe. Kambe ditina dakwe, kukhata, di womba ku “mfumeli wa kululama.” Ka wumbidi, mfumeli wa Salema ti womba ku “mfumeli wa kudikha.”

Vahebheru 7:3

Ene kha nga ni tate, hambi mame, hambi lihunzu, kha nga ni makhato a masiku akwe, hambi magwito a kuhanya kwakwe, aniko a fana ni Mwanana wa Txizimu, i mphaxeli kala kupinduka.

Vahebheru 7:6

Aniko, Melkisedheki, hambiko i ku si nga wa lixaka la Levhi, a amukete sa wugumi ka Abrahamu e tshumela e mkatekisa, ene a nga ti ni sithembiso.