Vahebheru 6:1 - Bhiblia Yo Sawuleka

¹ Ngu toneto, ahi lekeni tigondo ta makhato a dipswi da Kristu, hi ya masoni ka tigondo to hetiseka, hi si tshumeli hi gondela timhaka ta makhato: Ta kutisola ka mithumo ya kufa ni ta likholo ka Txizimu,

Vahebheru 6:1 Referans Kwoze

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Vahebheru 12:13

Lulamiselani mikondo yanu tinzila ta tinene, kasiku txihango txi txi nga limala, txi si khuduki, aniko txi na hanyiswa.

Matewu 21:32

Nguko Johani a tile kwanu a ta mi gondisa nzila ya kululama, kambe kha ma kholwa ngu ngene, kasi vakhupisi ni magelelegele va khotwe ngu ngene; kasi anu, hambiko mi nga wona tiya, kha ma sikota kuhunduluka mi txi kholwa ngu ngene.”

Vahebheru 7:11

Ngu toneto, idiku wuphaxeli wa Levhi i ti wo hetiseka, ngako vathu va nga amukela mlayo hahatshi ka wona wuphaxeli wonewo, ti mahisa kutxani kulaveka wumwani wuphaxeli madingano ni wa mlayo wa Melkisedheki, i si nga madingano ni mlayo wa Aroni, kani?

Vaefesu 4:12

kasi kuvhuna vasawuleki, ti to ve sikota kuthumela vamwani, ve aka mmidi wa Kristu,

Johani 12:44

Se Jesu a to kwangula a txi khene: “Awu a kholwako kwangu, kha kholwi kwangu, aniko a kholwa ka wule a nga ni ruma;

Johani 5:24

“Ngu ditshuri, ngu ditshuri, na mi gela ku khani: Awu a engisako dipswi dangu, ni kukholwa ka wu a nga ni ruma, ana ni wutomi wo mbi guma, se kha na mbi ngadi e ta kulamulwani, aniko a humile kufani e wulela wutomini.

Matewu 3:2

a txi khene: “Hundulukani, nguko wu hafuhi Mfumo wa nzumani.”

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

2 Vakorinto 7:10

Nguko, kupandiseka kuwa, madingano ni kuranda ka Txizimu, kuvanga kuhunduluka ku ku yisako kuhanyiswani; kha ku ningi kutshumelela msana. Aniko kupandiseka madingano ni kuranda ka mafu, kuvanga lifo.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Johani 14:1

“Timbilu tanu ti nga karateke: Kholwani ka Txizimu, mi txi kholwa ni kwangu.

Marku 6:12

Se va di khukhile ve tsula, va to txhumayela ti to vathu va na hunduluke,

Marku 1:1

Makhato a Evhangeli ya Jesu Kristu, Mwanana wa Txizimu.

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”

1 Johani 4:12

A walo wu a nga wona Txizimu ni ditshiku ni da dimwedo, aniko, ngako hi txi randana, Txizimu txi zumba ni nathu, se lirando la txona li hetisekile kwathu.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Jakobe 1:4

Aniko, ta laveka ti to kuhonisela ku txi veka mthumo wo hetiseka, kasi ku mi txi maneka mi di vathu vo hetiseka, vo lulama, mi si nga ni txisolo ni txa tximwetxo.

Vahebheru 11:6

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Vakolosa 4:12

Wa mi dingula Epafrasi, i ku mmweyo wanu, txithumi txa Kristu Jesu, txi lwako yotshe mbimo ngu nganu mikombeloni kwakwe, kasiku mi zumba mi di va kuhetiseka, mi di va kutsana amu ka kumaha totshe ti Txizimu txi ti randako.

Vakolosa 1:28

Hi txhumayela ngu ngene, hi txi laya vathu ni ku va gondisa ngu wotshe wuzivi, kasiku hi kombisa votshe vathu na va di hetisekile ngu ka Kristu.

Vaefesu 2:5

hi nga ti fite ngu mhaka ya sionho sathu, txi hi hanyisile kumweko ni Kristu. Ina! Mi hanyisilwe ngu makatekwa.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Vaefesu 2:1

Nananu mi ti fite ngu konaho ka minandu ni sionho sanu,

1 Vakorinto 13:10

Kasi mbimo yi si nota asi i ku sa kuhetiseka, asile i ku sa ku ambi hetiseka si na fuviswa.

Mithumo 17:30

Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.

Mithumo 2:38

Pedro a to va xamula, a txi khene: “Hundulukani, se mmwani ni mmwani a na kombele kubhabhatiswa ngu ditina da Jesu Kristu, kasiku e mana kudivalelwa sionho. Ti di mahile eto, mi na amukela txihiwa i ku Moya wo Sawuleka.

Matewu 7:25

Se nzuma yi nite, minambo yi nje kutala kuva ni ndambi, txingulu txi peka ngu mtamo txitimwi ka nyumba yile, aniko kha ya wa, nguko yi aketwe txitimwi ka dirigwi.”

Matewu 5:48

Ngu kota yeto, mahani vo hetiseka nga ti nene Tate wanu wa nzumani i ku wo hetiseka.”

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

1 Timoti 6:19

Va txi mahisa eto, va na va va txi ti vekela txuma txo tshura, txo tsana, txa mbimo yi yi tako, kasiku ve mana wutomi wa ditshuri.

Luka 6:48

A fana ni m'thu wu a akako nyumba, awu a nga kela e hokomisa, a txi veka makhato ha dirigwini; se ngako yi txi ta ndambi, mtalo wa mati wu yi peka, kha yi dekadeki, nguko yi akilwe kha kwati.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Matewu 21:29

Aniko ene a to angula a txi khene: ‘Kha ni ti lavi’. Kambe ngu msana a to ti laya se e tsula.

1 Vakorinto 2:6

Hambi keto, athu hi womba-womba ngu wuzivi hagari ka vale i ku vo thembeka, kambe hi womba-womba ngu wuzivi wo va i si nga wa ditiko diya, awu kambe i si nga wuzivi wa va va fumako ditikoni muwa, ava va no gwita ngu kufa.

Vakolosa 3:14

Kambe txitimwi ka sotsheso, ambalani lirando, i ku txitsaniso txo hetiseka;