Vahebheru 5:3 - Bhiblia Yo Sawuleka

³ Ngu toneto, a fanela kuphaxa timhamba a txi alakanya sionho sakwe ni sa vathu votshe.

Vahebheru 5:3 Referans Kwoze

Vahebheru 9:7

Aniko, ka ditenda da wumbidi ku ti wulela mphaxeli wa hombe ekha, kumweko ngu dilembe, aniko atiya, a ti si ti mahi a sa thanga ngu kumaha mningelo wa mnoha wa kuhiselwa sionho sakwe ni sa vathu.

Levhi 9:7

Se Mosi a to khene ka Aroni: Tshuketa ha txiluveloni, u maha mphaxo wako wa txionho, ni mningelo wa mhamba yo hiswa, u maha mhamba ya kudihela txionho, ngu didhawa dako ni didhawa da vathu, ngu toneto kambe, maha mningelo wa mhamba ya vathu votshe, u va mahela mhamba yo divalelwa txionho, nga tonti a nga womba Mkoma Txizimu.

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Levhi 16:6

Msana keto, Aroni a na ningela dirole da matune, da mningelo wu wo divalela sionho sakwe; kambe a na maha ngu mhaka ya sionho sakwe, ni sa ngamu yakwe.

Levhi 16:15

Msana keto, a na daya mabhongwe wu a nga mahwa mningelo ngu vathu, kasi kumaha mhamba yo divalela txionho, e teka mnoha wa kona e wu tisa mndani ka nguwo a txi maha tonti a nga maha ngu mnoha wa dirole, e xwayela ngu wona masoni ka txifenengeto txa mtundu ni txitimwi ka wona.

1 Vakorinto 15:3

Nguko kukhata, ni mi gondisile tiya nani ni nga gondiswa: Ti ta ku Kristu a fite ngu mhaka ya sionho sathu, nga tiya yi wombisako tona Mibhalo.

Vahebheru 10:12

Kasi ene Kristu, a phaxile mhamba ya kudivalela sionho kumweko dwe. Msana keto, a ti ya khalahatsha txineneni ka Txizimu kala kupinduka;