Vahebheru 5:2 - Bhiblia Yo Sawuleka

² Ene wa sikota kupfela wusiwana ava va kusisalelwa ni vale va lundumako, nguko nene wa thuka a txi lunduma.

Vahebheru 5:2 Referans Kwoze

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Vahebheru 2:18

Nguko, aku a nga pfa kupandiseka ngu mhaka ya kudukwa, wa sikota kuvhuna ava va dukwako.

Vahebheru 7:28

Kha ditshuri, mlayo wu vekile vaphaxeli va i nga ti vathu va dikhodo. Aniko, dipswi da txixambanyo di nga humelela msana ka Mlayo wa Mosi, di vekile Mwanana wu i ku Mphaxeli wa kuhetiseka ngu ha ku si gwitiko.

Vahebheru 12:13

Lulamiselani mikondo yanu tinzila ta tinene, kasiku txihango txi txi nga limala, txi si khuduki, aniko txi na hanyiswa.

Vagalatiya 4:13

Ma tiziva ta tinene ti to malwati ma nga ni ninga mbimo ya kuta khata ku mi txhumayela Evhangeli.

2 Vakorinto 12:5

Ni na ti dhumisa ngu m'thu wo nga toneto; aniko ani ngu kwangu, kha ni nga ni mhaka ya ku ti dhumisa ngu yona hahanze ka kutandeka kwangu,

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

2 Vakorinto 11:30

Ngako ti txi laveka ku ni txi ti dhumisa, ni na ti dhumisa ngu dikhodho dangu.

Luka 22:32

Aniko ani ni ku kombelete, kasiku likholo lako li si timeki. Se awe, ngako u di hundulukile, tsanisa vakwanu.”

Isaya 30:11

vayilelani nzila, mi huma amu ka txinzilana; mahani ti to Msawuleki wa Israyeli asi maneki hagari kwanu.

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Valamuli 2:17

Aniko ni ka kudotho kha va engisa valamuli; va to maha wugango wo londeta simwani sizimu, kambe va txi si khizamela; va to kuluveta kuleka nzila yi va nga tsimbila ngu yona vatate vawe, yo engisa sirumo sa Mkoma; se vona kha va mahisa eto.

Isaya 29:24

Se vale va nga wekela moyani, va na tava ni mapimo, ni vale vo ngungurukela, va na tumela kugondiswa.

Vaefesu 4:18

Mialakanyo yawe yi mtemani, kha va nga ni txyavelo amu ka wutomi wa Txizimu, nguko kwawe kuwalo wuzivi, ni timbilu tawe ti bangi.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Vahebheru 9:7

Aniko, ka ditenda da wumbidi ku ti wulela mphaxeli wa hombe ekha, kumweko ngu dilembe, aniko atiya, a ti si ti mahi a sa thanga ngu kumaha mningelo wa mnoha wa kuhiselwa sionho sakwe ni sa vathu.

Jakobe 5:19

Vanathu, ngako mmweyo wanu a txi leka nzila ya ditshuri, se mmwani a txi mu wuyisa ka nzila ya yinene,

1 Pedro 2:25

Nguko, mi ti ti fana ni tinvuta ta kuhangalaka, aniko akuwa mi tshumete mi wuya ka M'dyisi ni Muwoneleti wa mimoya yanu.