Vahebheru 5:1 - Bhiblia Yo Sawuleka

¹ Ngu toneto, wuhi ni wuhi i ku Mphaxeli wa Hombe, kota nga ti a nga sawulwa hagari ka vathu-kulowe, a ni fanelo ya kuthumela vona vathu ka timhaka ti ti tsimbilelanako ni mthumo wa Txizimu, kasiku a txi maha miningelo ni timhamba ta kudihela sionho.

Vahebheru 5:1 Referans Kwoze

Vahebheru 8:3

Nguko, mphaxeli wa hombe, wuhi ni wuhi, a veketwe kasiku e maha miningelo ni timhamba. Ngu toneto, ta laveka ti to nene mphaxeli e va ni txilo txa kuningela.

Vahebheru 10:11

Kha ditshuri, mphaxeli wuhi ni wuhi wa Txitumelelano txa Kale, a humelela ngu mthumo wakwe wa kukhozela, otshe masiku, a txi wuyelela kuphaxa yoneyo mhamba ya yimweyo, sikhati sasingi, kambe yona kha yi sikoti kufuvisa txionho.

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

Vahebheru 9:9

Totshe tiya njikombiso txa tile ti mahwako ka masiku a nyamsi: Vathu va mahako miningelo ni timhamba, asi si sikotiko kubasisa mbilu ya wule a phaxako.

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Levhi 9:7

Se Mosi a to khene ka Aroni: Tshuketa ha txiluveloni, u maha mphaxo wako wa txionho, ni mningelo wa mhamba yo hiswa, u maha mhamba ya kudihela txionho, ngu didhawa dako ni didhawa da vathu, ngu toneto kambe, maha mningelo wa mhamba ya vathu votshe, u va mahela mhamba yo divalelwa txionho, nga tonti a nga womba Mkoma Txizimu.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Varoma 15:17

Ti di ngeto, ni ni fanelo ya ku ti dhumisa ngu Jesu Kristu ka mthumo wa Txizimu.

1 Vakorinto 15:3

Nguko kukhata, ni mi gondisile tiya nani ni nga gondiswa: Ti ta ku Kristu a fite ngu mhaka ya sionho sathu, nga tiya yi wombisako tona Mibhalo.

Vahebheru 8:4

Nguko, idiku Kristu a ti ko vaho ha mafuni, nga i si nga mphaxeli ni ka kudotho, nguko vaho vaphaxeli va va humisako miningelo madingano ni sileleto sa mlayo.

Vahebheru 10:12

Kasi ene Kristu, a phaxile mhamba ya kudivalela sionho kumweko dwe. Msana keto, a ti ya khalahatsha txineneni ka Txizimu kala kupinduka;