Vahebheru 4:12 - Bhiblia Yo Sawuleka

¹² Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Vahebheru 4:12 Referans Kwoze

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

Isaya 55:11

di na mahisa toneto dipswi di di no huma ngu txisofuni kwangu; dona di na tshumelela kwangu i ti diphanga, di na maha kudhunda kwangu, ni kuhetisa tile ni ngadi rumela tona.

Vaefesu 6:17

Amukelani kuhanyiswa ku txi maha txidgoko txanu ha msungo, se dipswi da Txizimu di txi maha ditxhari danu da Moya.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

1 Pedro 1:23

nguko kha ma velekelwa ka mbewu yi yi sinako, aniko mi veleketwe ka mbewu yo mbi sina, ngu dipswi da Txizimu txi txi hanyako, txa yotshe mbimo.

Isaya 49:2

Txisofu txangu a txi mahile txi fanana ni ditxhari do hinda, se a ni fenengetile ngu mtsudi wa dianza dakwe e ni maha lingove lo khetima, e ni sisa amu ka msava wakwe.

Mtuletelo 1:16

Ka dianza dakwe da txinene a ti ñote mtxhanu wa tinyeleti ni timbidi, ngu txisofuni kwakwe ku ti huma ditxhari do hinda, da kulotwa khe ni khe. Ni khohe yakwe yi ti khetima nga ditambo da mitshikari.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Masalmo 149:6

Va na kulungele ngutu va txi dhumisa Txizimu, va di ñote matxhari o lotwa khe ni khe, manzani kwawe,

Mtuletelo 19:15

Ngu mkanani kwakwe kuhuma ditxhari do lotwa kasi kuwila mifumo ngu dona. Ngene a no yi gola ngu ndonga ya simbi ya wukoma: Ngene a no rukuta nzeka ya vhinya ya kuhenya ko thisa ka Txizimu txa mtamo wotshe.

Vaefesu 5:13

Aniko sotshe sakubiha sa soleka masoni ka sakuwonekela,

Luka 8:11

“Aniko txhamuselo ya txidinganiso txiya ngu yiya: Mbewu ngu Dipswi da Txizimu.

Masalmo 139:2

Awe wa ziva kukhalahatsha kwangu, ni kukhukha kwangu ni ema; na u di kule, wa ziva mipimiso yangu.

Johani 6:51

“Ani ni dipawu da kuhanya di nga txhika ngu nzumani. Awu a dyako dipawu diya a na hanya wutomi wo mbi guma. Dipawu di ni no mninga, ngu mmidi wangu ni no wu ningela ngu kulava kuhanyisa ditiko.”

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Masalmo 45:3

Awe ndena, khweketa ditxhari dako txiwununi; dona da kuhanela ni ku kupfalisa!

Mtuletelo 19:21

Vamwani va to dawa ngu ditxhari di nga txi huma ngu mkanani ka m'gadhi wa dihantxhi. Se sotshe sinyana si khura ngu nyama yawe.

Mtuletelo 2:16

Ngu konaho, hunduluka. U si hunduluki, na kuluveta ni txi ku tela, ni ta lwa navo ngu ditxhari da txisofu txangu.

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

Mithumo 4:31

Ku ti ngako va di khongete, wukhalo wu va nga ti sengeletani ka wona, wu to dekadekiswa, se votshe ve tala ngu Moya wo Sawuleka, ve womba dipswi da Txizimu ngu kutsana.

Mithumo 2:37

Ngako vona va di engisile mapswi awa, va to pfa kutholwa timbiluni kwawe. Se ve wotisa ka Pedro ni ka vamwanyani Vapostoli, va txi kha vona: “Vanathu, nji txani hi fanelako kumaha kani?”

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

1 Vatesalonika 5:23

Txizimu txa kudikha ngu wutumbu wa txona txi na mi basise ka sotshe, se wotshe wuthu wanu, m'hefemulo, moya, ni mmidi, zumbani mi di si veketile ngu fanelo kala kuwuyani ka Mkoma wathu Jesu Kristu.

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Mavingu 5:4

aniko magwito a kona ngu bava ko pinda txibhaha, ni kuhinda ko fana ni ka ditxhari do lotwa madhawa mambidi.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Ekleziyaste 12:11

Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

Masalmo 110:2

Mkoma a na rumela ngu Siyoni ndonga yako ya mfumo; fuma txitimwi ka valala vako!

1 Vakorinto 1:24

aniko ka vale va nga sawulwa, mwendo Vajudha mwendo Vagriki, Kristu i mtamo ni wuzivi wa Txizimu.

Mithumo 5:33

Ngako va dibanza va txi engisa mapswi awa, va to henya ngutu, se ve langana makungo a ku va daya.

Johani 12:48

Awu a ni lambako ni ku ambi amukela mapswi angu, a nayo muabanisi wakwe: Dipswi di ni ngadi womba, ngu dona di no mu abanisa ngu ditshiku da magwito.

Mithumo 7:38

Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Vaefesu 5:26

kasiku a txi di kuwula ngu mati, ni ku di basisa ngu dipswi,

Vahebheru 6:5

ava va nga danza kutshamba ka dipswi da Txizimu, ni mitamo ya timbimo ti titako,

Valamuli 3:16

Se Ewudhi a to tshula ni ditxhari do lotwa madhawa mambidi, da mpimo wa hafu ya metru kulapha ka dona, a txi di khweketa ngu hahatshi ka syambalo sakwe, ka nyonga yakwe ya txinene.