Vahebheru 3:7 - Bhiblia Yo Sawuleka

⁷ Ngu toneto, Moya wo Sawuleka wa womba wu txi kha wona: “Nyamsi, ngako mi txi engisa dipswi da Txizimu,

Vahebheru 3:7 Referans Kwoze

Vahebheru 3:15

ngako ku txi wombwa ku; “nyamsi, ngako mi txi engisa dipswi da Txizimu, mi nga bangiseni timbilu tanu, kufana ni ti ti nga maheka kudukwani.”

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

Vahebheru 4:7

Txizimu txa engeta txi veka dimwani ditshiku da “Nyamsi,” ngako txi txi womba-womba kale ngu txisofu txa Dhavhidha, nga ti hi nga wombisa tona msana: “Nyamsi, ngako mi txi engisa dipswi da Txizimu, mi nga bangiseni timbilu tanu.”

Johani 10:27

Tinvuta tangu ta engisa dipswi dangu, se ani na tiziva, nitona ta ni londisa.

Masalmo 81:13

Idiku ngamu yangu yi ti ko ni engisa! Idiku Israyeli a ti ko londisela tinzila tangu!

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Masalmo 81:11

Kambe ngamu yangu kha ya lava ku ni engisa; Israyeli kha komba kukhatala ngu ngani!

Johani 10:3

Muwoneleti wa txike, wa mtulela txibala, se tinvuta tiengisa dipswi dakwe. Se ene a dhana tinvuta takwe ngu matina a tona, e ti humisa hahanze.

Johani 5:25

Ngu ditshuri, ngu ditshuri, na mi gela ku khani: Yata mbimo, kambe yi hokile konkuwa, ayi vafi va no engisa dipswi da Mwanana wa Txizimu, se ava va no di engisa va na hanya.

Isaya 55:6

Lavani Mkoma a txi ngadi e maneka, m'dhaneni a di ngadi hafuhi.

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

2 Samuwele 23:2

Moya wa Mkoma u wombawombile ngu ngani, ni dipswi dakwe di ti ti txisofuni kwangu.

Vahebheru 9:8

Moya wo Sawuleka wu lavile kukombisa, ka toneto, ti to nzileyo ya wukhalo wo sawuleka kha yi nzi kutuleka, ngako ditenda do khata di di ngadi emile.

Matewu 22:43

Se ene a to va gela ku khene: “Se ti mahisa kutxani Dhavhidha ngu kuwoningwa ngu Moya wo Sawuleka a m'dhanako ku i Mkoma ngu mapswi awa:”

Mavingu 27:1

U nga ti thembisele ngu ditshiku da mangwana, nguko khu ti zivi ati di no kuninga ditshiku da mangwana.

Mithumo 28:25

Se ngako va nga ti si pfani, va to khata kuhangalaka. Se Paulo a to va gela dipswi dimwedo, a txi khene: “Ngu ditshuri, Moya wo Sawuleka wu wombile ngu txisofu txa mprofeti Isaya ka vatate vanu, wu txi kha wona:

Marku 12:36

Kasi Dhavhidha ene a wombile ngu Moya wo Sawuleka, a txi khene: ‘Mkoma a ti khene ka Mkoma wangu: Khalahatsha txineneni kwangu kala ni maha valala vako txikhigetelo txa mikondo yako.’

Mithumo 1:16

“Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Mithumo 8:29

Moya wu to gela Filipi, wu txi kha wona: “Tshuketela txikotxikani txile.”

Vahebheru 10:15

Ngu toneto, kambe wu hi fakazelako Moya wo Sawuleka, msana ka kuwomba tito: