Vahebheru 3:1 - Bhiblia Yo Sawuleka

¹ Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

Vahebheru 3:1 Referans Kwoze

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

Vafilipiya 3:14

ni tsimbilisa kuya magwito, kala kuya mana txhatxhazelo ya kuxula, ayi ni dhanelwako yona nzumani ngu Txizimu, ditinani ka Kristu Jesu.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Vahebheru 10:21

Hi ni mphaxeli wa mtamo a nga fumiswa nyumbani ka Txizimu.

Vaefesu 4:4

Ku ni mmidi wumwewo ni moya wumwewo, kota nga ti i ku txithembo tximwetxo, atxiya nanu mi nga dhanelwa txona.

1 Vatesalonika 2:12

Ngu toneto, nanathu hi nga ti mi gondisa tona, ni ku mi tsanisa, ni kukhongotela mmweyo ni mmweyo wanu, kasiku mi tsimbila ngu fanelo masoni ka Txizimu, atxi txi nga mi dhanela ka mfumo wa txona ni kupfaliswa ka txona.

1 Vakorinto 9:23

Ni maha tiya totshe ngu mhaka ya Evhangeli, kasiku ni txi mana txyavelo txangu ka yona.

2 Timoti 2:7

Engisa ti ni wombako, se Mkoma a na kuninga kuziva totshe timhaketo.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

Varoma 15:8

Na womba ti to Kristu a ti mahile mthumeli wa sithiva sa Vajudha, kasi kukombisa ditshuri da Txizimu ni kutsanisa sithembiso si si nga mahwa ka vatate vathu;

Vahebheru 2:11

Nguko, hambi M'basisi, hambi va va basiswako, va huma ka Tate mmweyo. Ngu mhaka yeto Jesu, kha kanakani ku va dhana ti to i vanawe, nga mapswi awa,

Johani 20:21

Ene a to engeta a txi khene: “Kudikha ku nave nanu! Nga ti Tate a nga ni ruma, nanani na mi ruma.”

Hagayi 1:5

Se konkuwa, Mkoma wa Mabutho a Tiyimbi a khene: Vekani timbilu tanu amu ka tinzila tanu.

Masalmo 110:4

Mkoma a xambanyile kha na mbi tshumelela msana: “Awe u mphaxeli kala kupinduka, madingano ni mlayo wa Melkisedheki.”

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

Vahebheru 3:14

Nguko, hi vamwevo ni Kristu, ngako hi txi vekisa ngu kutsana kala magwito kuthemba kwathu, aku hi nga va nako kukhatani,

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

1 Timoti 6:2

Ava va ku ni vanyamne va i ku makholwa, va nga va kanyise, ngu kuziva ti to i vanawe, aniko va na va thumele ta tinene, nguko evo i makholwa ni vanathu vo randeka, va vhunwako ngu mithumo yawe ya yinene. Ngu toneto, u fanelako kugondisa ni kuleleta tona.

2 Vatesalonika 2:14

Ngu konaho Txizimu txi nga mi dhana ngu Evhangeli yi hi nga mi txhumayela, kasiku mi txi ta phakelwa kupfaliswa ka Mkoma wathu Jesu Kristu.

2 Vatesalonika 1:11

Ha mi kombelela yotshe mbimo, ti to Txizimu txathu txi txi mi maha ava va fanelwako ngu wutomi wu txi nga mi dhanela wona, txi txi thuma ngu mtamo wa txona ti to yotshe mixuvo yanu ya yinene yi txi tatiseka ngu kuenela, ni mthumo wa likholo lanu.

1 Vatesalonika 5:27

Na mi kombela ngu ka Mkoma ti to dipapilo diya, di gondwa ka votshe vanathu.

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Vakolosa 1:22

se konkuwa txona Txizimu txi mahile ti to mi txi wuyelelana natxo ngu Mwanana wa txona, a nga hanya mmidini ka m'thu e tshumela efa, kasiku mi txi yiswa masoni ka Txizimu mi di vo sawuleka, mi si nga ni txisolo,

Vakolosa 1:12

bongani ka Tate, a nga mi ninga mathomo a kumana txyavelo kumweko ni vasawuleki liwoningoni.

2 Vakorinto 1:7

Ngu toneto, themba yathu kwanu yi tsani, ngu kuziva tito, ngako mi sengelako ni nathu kuxanisekani, mi na va kumweko ni nathu ni kona kuthavelelwani.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Varoma 15:27

Va mahile ngu kuranda, ina, aniko i ti ku va tshungula, nguko vamatiko, ngako va di vhunwi ngu vona moyani, ni vona va fanete ku va tshungula ngu tithomba tawe ta ha mafuni.

Varoma 11:17

Se ngako madhavi okari ma di phatutwe, se awe u ku didhavi da muolivhera wa txitinga u nga ta txhomekwa ha wukhaloni ka ona, u va u sengela nawo kudyiswa ngu ndome ya mkoloti wa muolivha wa m'tini,

Varoma 9:24

Vathu vava ngu ngathu Txizimu txi nga hi dhana, athu hi humako i si nga ngu ka lixaka la Vajudha dwe, aniko ni ka lixaka la vamatiko ni vona.

Johani 20:27

Ngu msana a to gela Tomasi, a txi khene: “Tisa litiho lako ahawa, u txi wona manza angu; tshuketisa dianza dako, u txi di beta ha didhawani kwangu, u nga swe kambe u txi ti maha mkaneti, aniko kholwa.”

Hagayi 2:15

Sekoko, konkuwa, vekani timbilu tanu ka eto, kukhukhela ka ditshiku diya ni kuya masoni, na mi sanzi kuveka dirigwi txitimwi ka dirigwi, amu ka dithepele da Mkoma.

Ezekhiyele 18:28

Nguko awule a tshumelako e hunduluka ka sotshe sihambunyeto sile a nga si maha, ngu ditshuri a na hanya, kha na mbi fa.

Ezekhiyele 12:3

Awe koko mwanana wa m'thu, lulamisela siya u na rura ditikoni, se ni mitshikari u na khukha ka wukhalo wako, va txi kuwona; se ngu ka wukhalo wako, u na khukha uya ka wumwani wukhalo, va txi kuwona; ti nga koteka kuva txi ti wona kha kwati eto, hambiko i ku va nyumba ya kutitsimba.

Isaya 41:20

kasi ku votshe ve ti wona, se ve tiziva, ve tumela, ni kupfisisa kumweko tito, dianza da Mkoma di nga maha tiya, ni Msawuleki wa Israyeli a nga si vanga.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

1 Johani 1:3

ati hi nga ti wona ni ku tiengisa, ngu toneto hi mi zivisako tona nanu, kasi ku nanu mi maha vamwevo ni nathu. Se wumwewo wathu wu hi tshanganisa ni Tate ni Mwanana wakwe Jesu Kristu.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

1 Pedro 5:1

Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

1 Pedro 3:5

Ngu tona tiya va nga ti bombisisa tona vavasikati va vo sawuleka va kale, va va nga ti ni likholo ka Txizimu, vona va ti ti engisa vamna vawe,

Vahebheru 9:11

Aniko Kristu, i ku Mphaxeli Wahombe wa silo sa sinene si si tako, a humelete ka ditenda da hombe da kuhetiseka, adiya di nga mbi mahwa ngu manza a m'thu, adiya i ku si nga da mtumbuluko wa ditikoni muwa.

Vahebheru 6:20

Ahawa a nga wulela kona Jesu ngu mhaka yathu, kota mthangeli, e mahwa Mphaxeli wa Hombe, madingano ni mlayo wa Melkisedheki.

Vaefesu 3:6

ti to vamatiko i sidya-thomba ni vona kumweko ni Vajudha, va lumba lixaka limwelo, se kambe va na mana kuvhuneka ni vona ka txonetxo txithembiso txa tximwetxo txa Kristu, ngu mtamo wa Evhangeli.

1 Vakorinto 10:17

Se ngako dipawu i ku dimwedo, hotshethu, hambiko hi ku vangi, hi wumba mmidi wumwewo, nguko hotshe hi abana dona dipawu dile da dimwedo.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

2 Vakorinto 9:13

Ngako va txi wona mthumo wuwa wu kombisako wunene wanu, vona va na dhumisa Txizimu ngu mhaka ya kuengisa kwanu ka timhaka ta Evhangeli ya Kristu. Kambe vona va na dhumisa Txizimu ngu msengo wa wunene awu anu mi va vhunako ngu wona, i si nga vona vokha, aniko ni votshe vathu.

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Vahebheru 7:28

Kha ditshuri, mlayo wu vekile vaphaxeli va i nga ti vathu va dikhodo. Aniko, dipswi da txixambanyo di nga humelela msana ka Mlayo wa Mosi, di vekile Mwanana wu i ku Mphaxeli wa kuhetiseka ngu ha ku si gwitiko.

Vahebheru 9:15

Ngu toneto, Ene i muemeli wa txitumelelano txa txiphya. Kufa kwakwe ku mahekile, kasi ku sionho si txi basiswa si si nga nga mahwa ka mbimo ya txitumelelano txo khata; se avale va nga dhanwa, va amukela thomba yo mbi guma, ayi va nga thembiswa.

Vahebheru 10:19

Ti di mahile eto, vanathu, hi ni txithembo txo tsana, ku hi na wulela ka wukhalo wo sawuleka ngu mhaka ya mnoha wa Jesu.

Vahebheru 10:23

Na hi si rereki, ahi yeni masoni ngu kutsana hi txi kombisa txithembo txathu, nguko awule a nga hi mahela txithembiso, mbwo thembeka.

Vahebheru 13:22

Vanathu, na mi kurumeta kutimisela ka mapswi awa ni mi layako ngu ona. Nguko, ni mi rumete amadotho dwe.