Vahebheru 2:8 - Bhiblia Yo Sawuleka

⁸ Sotshe simaha u si vekile hahatshi ka mikondo yakwe.” Se nga ti Txizimu txi nga veka sotshe simaha hahatshi ka mikondo yakwe, kha ka sala txilo ni txa tximwetxo txi ku si nga hahatshi kwakwe. Kambe konkuwa, kha hi nzi ku ti wona ti to sotshe si hahatshi kwakwe.

Vahebheru 2:8 Referans Kwoze

Johani 13:3

Se, kota nga ti Ene Jesu a nga txi tiziva ti to Tate a mu ningile sotshe manzani kwakwe, ni kuziva ti to Ene a ta ngu ka Txizimu, kambe a na tshumela e tsula ka txona Txizimu,

1 Vakorinto 15:27

Nguko, Txizimu txi vekile sotshe hahatshi ka mikondo ya Kristu. Aniko, ngako va txi kha vona: “Si vekilwe sotshe hahatshi kwakwe,” ti ha kubasani ti to kha txi balwi Txizimu i ku txona txi nga si veka hahatshi ka mikondo yakwe Kristu sotshe simaha.

Masalmo 8:6

U mningile kufuma sotshe si u nga si maha, sotshe u si vekile hahatshi ka mikondo yakwe:

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Vahebheru 1:13

Mwendo ngu ka yihi ngelozi, Txizimu txi nga yi gela, hambi ditshiku da dimwedo, txi txi kha txona: “Khalahatsha txineneni kwangu, kala kuza ni maha ava i ku valala vako txikhigelo txa mikondo yako,” kani?

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Vahebheru 2:5

Nguko, hi nga ka tingelozi Txizimu txi nga ningela kufuma ditiko di di tako, adi hi wombawombako ngu dona.

Johani 3:35

Tate wa randa Mwanana, a vekile sotshe manzani kwakwe.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.