Vahebheru 2:6 - Bhiblia Yo Sawuleka

⁶ Aniko, mmwani ka wumwani wukhalo a mahile wufakazi, a txi khene: “M'thu nji txani kasiku u txi mu alakanya kani, mwendo mwanana wa m'thu nji txani kasiku u txi mu endela kani?

Vahebheru 2:6 Referans Kwoze

Masalmo 144:3

Mkoma, nji txani m'thu, koza u txi mualakanya kani? Njitxani mwanana wa m'thu, kasiku u txi mkhatalela kani?

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Jobe 25:6

Hambi m'thu i ka so va mpungu, ni mwanana wa m'thu i ku mbungu!

Jobe 15:14

Njitxani m'thu, konaza eva a di sawulekile kani? Ni ti taku awule a velekwako ngu wamsikati, eva wo lulama kani?

Vahebheru 4:4

Nguko, ka wumwani wukhalo ti bhatwe ta ditshiku da wutxhanu ni mambidi taku: “Txizimu txi humute ngu ditshiku da wutxhanu ni mambidi, ka yotshe mithumo yi txi nga yi maha.”

1 Pedro 1:11

Vona va wonisisile mbimo ni mamahekelo awa ma nga kombwa ngu Moya wa Kristu, wu wu nga ti navo, awu wu nga ti va profetela, sixaniso sa Kristu, ni kupfaliswa kuwa ku nga ti fanela ku si londisa ngu msana.

Luka 7:16

Votshe va to telwa ngu kuthava ngutu, va txi dhumisa Txizimu, va txi kha vona: “Mprofeti wa hombe a humelete hagari kwathu, Txizimu txi endete vathu va txona.”

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Vahebheru 5:6

Kota nga ti a wombako kambe ka wumwani wukhalo a txi khene: “Awe u Mphaxeli kala kupinduka madingano ni mlayo wa Melkisedheki.”

Luka 1:78

Ngu wumbilu wa hombe wa Txizimu txathu, ha mana kuendelwa ngu wutxa wa kuta ngu txitimwi;

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Isaya 40:17

Otshe matiko hi nga txilo masoni kwakwe; a ma wona i si nga txilo, kufana ni txa kwa mbi va txilo.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.