Vahebheru 2:4 - Bhiblia Yo Sawuleka

⁴ ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Vahebheru 2:4 Referans Kwoze

Mithumo 14:3

Hambi keto, Paulo ni Bharnabhasi va zumbile masiku o tala, ve womba-womba va si thavi txilo ngu kuthemba Mkoma, a nga ti tsanisa dipswi da kateko yakwe ngu kumaha sikombiso ni sidiwukiso ngu manza awe.

Vaefesu 1:5

Ngu txona Txizimu txi nga hi sikela ngu kale ti to hi na maha vanana va txona, va mafuyiwa, ngu Jesu Kristu, ngu wunene wa kuranda ka txona,

Marku 16:20

Se vona va to tsimbila ve txhumayela ka otshe matiko, Mkoma a txi thumisana navo ni kutsanisa dipswi ngu sidiwukiso si si nga ti tsimbilelana nado.

Johani 4:48

Sekoko Jesu a to womba a txi khene kwakwe: “Anu, ngako mi si woni sixamaliso ni sidiwukiso, kha mi kholwi.”

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Johani 15:26

“Mbimo yi a nota Mthaveleli, awu ni no m'rumela kwanu, a txi huma ngu ka Tata, i ku Moya wa ditshuri, a humako ngu ka Tata, ngene wu a nota maha wufakazi ngu ngani;

Vaefesu 1:9

txi hi ninga kuziva makungo a kusisaleka a kuranda ka txona, kota nga ti ti nga txi tsakisa ku ti maha, ngu kale ni kale ngu ka Kristu,

Mithumo 4:10

ti na ziwe ngu nganu motshenu ni votshe vathu va ka Israyeli, ti to ngu ditina da Jesu Kristu, wa Nazareta, awule anu mi nga mu bethela, awule Txizimu txi nga mu wusa ngu ka vo fa, ni ti to ngu ditina deyo, m'thu wu a ku masoni kwanu a hanyile.

Marku 6:14

Ku ti ngako mfumeli Herodha a di pfite timhaka ta Jesu, nguko ditina dakwe di ti ni nduma ngutu, a to khene: “I Johani Mubhabhatisi a nga wuka ngu ka vakufa, ngu konaho mitamo yi thuma ngu ngene.”

Mithumo 5:32

Athu hi tifakazi ta timhaka tiya kumweko ni Moya wo Sawuleka, awu Txizimu txi wu rumelako ka vale va txi engisako.”

Vaefesu 4:7

Kambe mmweyo ni mmweyo kwathu a ningilwe kateko ngu mpimo wa txiningo txa Kristu,

Vahebheru 6:4

Ngu toneto, kha ti koteki ka vathu va va nga amukela liwoningo, ava va nga danza txiningo, ava va nga mana txyavelo txa Moya wo Sawuleka,