Vahebheru 2:3 - Bhiblia Yo Sawuleka

³ se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

Vahebheru 2:3 Referans Kwoze

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Varoma 2:3

Se awe m'thu, u lamulako va va mahako to nga toneto, kuve wa ti maha nawe, ina u alakanya ti to u na huluka kulamulwani ka Txizimu kani?

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Ezekhiyele 17:15

Aniko mfumeli wa Jerusalema a to eyisa wule wa Bhabhilona, ngu kurumela mitumi yakwe Egipta, kuya kombela ku tiselwa mahantxhi ni vathu votala; ina a na humelela hambi kuhuluka, awule a mhako eto kani? Niku mwendo a na funya txitumelelano e tutuma kani?

Vahebheru 4:11

Ngu toneto, he khutaleleni kuya wulela kona kuhumulaniyo, kasiku ni wammweyo asi wi, ngu mhaka ya kukanyisa ko fana ni kwawe.

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.

Luka 1:2

avava va nga hi xawutela tona ngu vale, kukhukhela makhatoni, va nga ti wona ngu maso awe, na kambe i di vatxhumayeli va Dipswi.

Mtuletelo 7:10

Se va to kwangula ngu dipswi da hombe, va txi: “Kuhanyisa kulumba Txizimu txathu, txi nga khalahatsha ha txikhaloni ka wukoma ni ka Txinvutana.”

Titosi 2:11

Ngukuva kateko ya Txizimu, yi kuhanyisako, yi ti wonekisile ka votshe vathu;

1 Timoti 1:15

Ni womba dipswi do thembeka ni da kuamukeleka ka votshe vathu: Kristu Jesu a tile ha mafuni ku ta hanyisa vaonhi, ava ani ni ku wo thanga kwawe.

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Isaya 51:5

Kululama kwangu ku hafuhi, ni kuhanyisa kwangu ka humelela, se mawoko angu ma na lamula vathu; sitondolo si na ni verela, kambe si na themba diwoko dangu.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Vahebheru 4:1

Ngu toneto, ngako txithembiso txa kuwulela kuhumulani ka Txizimu txi di ngadi tsani, ahi ti woneleni ti to mmwani hagari kwanu asi maneki a di sate msana.

Mithumo 2:22

“Anu vavamna va ka Israyeli, engisani mapswi awa: Jesu wa Nazareta, i ku m'thu wu a nga fakazelwa ngu Txizimu hagari kwanu ngu mithumo ya mtamo ni sidiwukiso ni sikombiso si Txizimu txi nga si maha hagari kwanu ngu ngene, kota nga ti mi ti zivako.

Mithumo 1:22

kukhukhela ka mbimo ya kubhabhatisa ka Johani, kala kuhoka ditshiku diya a nga guletwa hagari kwathu e tsula nzumani; mmweyo wawe a fanete kusengela ni nathu e va fakazi ya kuwuka ka Mkoma.”

Johani 15:27

Nananu mi na va mi di tifakazi tangu, nguko mi ni nani kukhukhela kukhatani.”

Luka 24:19

Se Ene a to va wotisisa a txi khene: “Ta txani, kani?” Vona va xamute va txi kha vona: “Atiya ti wombako ngu mhaka ya Jesu wa Nazareta, i nga ti mprofeti wa mtamo mu ka mithumo ni mu ka kuwombawomba, masoni ka Txizimu ni ka votshe vathu.

Marku 1:14

Ku ti ngako Johani a di khotetwe mkorani, Jesu a to ya Galileya, eya txhumayela Evhangeli ya Txizimu, a txi khene:

Ezekhiyele 17:18

Nguko a eyisile txixambanyo, e funya txitumelelano, txo mahwa ngu kuñolana ka manza; a di mahetete totshe eto, kha na mbi huluka.

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Isaya 20:6

Sekoko ka ditshiku donedo, vaaki va txitondoloni, va na kha vona: Wonani ti ti humelelako vale hi nga va themba, avale hi nga ti ti tutumela kwawe, kasi ku hi huluka ka mfumeli wa Asiriya! Se athu koko, hi na hulukisa kutxani kani?

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Luka 1:69

A hi wusete Muhanyisi wa mtamo ka nyumba ya Dhavhidha, txithumi txakwe.

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”

Varoma 11:14

kufela ku mwendo vathu va lixaka la ka kwathu va na navela, kasi ni txi sikota kuhanyisa vamwani vokari hagari kwawe.

1 Vakorinto 1:21

Nguko, akuwa ditiko ni wutxhari wa dona, di nga mbi sikota kuziva Txizimu, ngu wuzivi wa wuzimu, ngu toneto ti tsakisile txona Txizimu kuhanyisa ava va kholwako ngu mhaka ya wuhundwa wa kutxhumayela kwathu.

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

1 Johani 1:1

Hi bhala ta wule i ku Dipswi da wutomi, awu i ngadi ene kukhukhela makhatoni; awu hi nga mu engisa, awu hi nga ti mu wona ngu maso athu, awu hi nga mu wonisisa, awu hi nga m'gwesa ngu manza athu.

Judha 1:17

Aniko, anu, vorandeka, alakanyani mapswi awa ma nga wombwa kale ngu vapostoli va Mkoma Wathu Jesu Kristu,