Vahebheru 2:2 - Bhiblia Yo Sawuleka

² Nguko, ngako dipswi di di nga wombwa ngu tingelozi ka vatate vathu di di tsani, ngako kambe kotshe kundaka ka mlayo ni kotshe kueyisa kudimani txitsayiso txi txi dinganako,

Vahebheru 2:2 Referans Kwoze

Mithumo 7:53

anu mi nga amukela mlayo manzani ka tingelozi, kambe kha ma wu xayisa.”

Vagalatiya 3:19

Idito, Mlayo wu thumile txani kani? Wu ningilwe msana ka mbimo ngu mhaka ya wuhambunyeti, kuza kuhumelela lixaka li, txithembiso txi nga mahelwa lona. Mlayo wu tisilwe ngu tingelozi manzani ka mtshanganisi.

Vahebheru 10:28

Awu a ndakako Mlayo wa Mosi a abaniselwa lifo, ku si nga ni divalelo, ti txi khukhela ka wufakazi wa vathu vambidi mwendo vararu.

Judha 1:5

Ni lava ku mi alakanyisa, hambiko totshe tiya mi ti zivako ta tinene ti to Mkoma, msana ka kutirula vathu vakwe ditikoni ka Egipta, a fuvisile va va nga ti si kholwi.

Dhewuteronome 27:26

“Dikhombo di nave ka wule a si ñolisisiko mapswi a mlayo, asi ma vekisi!” Vathu votshe va na womba va txi kha vona: “Amen!”

Vahebheru 11:26

Ene a woni kuxaniswa ka Kristu ku di ni lisima ngutu, kupinda tithomba ta Egipta, nguko, ene a ti rinzela kuamukela hakhelo.

Vahebheru 10:35

Ngu toneto, mi nga karaleni, nguko kutimisela ku fanetwe ngu hakhelo ya hombe.

Dhewuteronome 17:12

M'thu wu koko a no ti kulisa, asi engisi mphaxeli wu a nga vekwa kasi ku thumela Mkoma, Txizimu txako, hambi mlamuli asi mu engisi, m'thu eneyo a fanete kudawa. Ngu kumaha keto, mi na heta wubihi hagari ka va ka Israyeli;

Dhewuteronome 17:5

sekoko, u na m'humisa hahanze ka didhoropa, eyo wa mwamna mwendo wamsikati, a nga maha to biha mtini kwako, se u txi ya m'balisela ngu marigwi, eneyo wamwamna mwendo wamsikati kala a txi fa.

Vahebheru 11:6

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Masalmo 68:17

Sikotxikani sa Txizimu magumi mambidi a ma 1.000 a ma 1.000 ni ma 1.000; Mkoma a tile ngu Sinayi a txi ta wukhaloni ko sawuleka.

Dhewuteronome 17:2

Ngako ka dimwedo da madhoropa ale Mkoma, Txizimu txako, a no kuninga, ku txi maneka wamwamna mwendo wamsikati wo thuka a txi maha to biha masoni ka Mkoma, Txizimu txako, ngu kuva a txi hambunyeta txitumelelano txakwe,

Mitengo 25:9

Se ava va nga dawa ngu mtungu wule, i 24.000.

Mitengo 21:6

Sekoko Mkoma a to rumela minyoka yo leva, ni wuxungu, yi ta lumetela vathu, eho kufite vanana va ka Israyeli.

Mitengo 16:49

Ava va ngafa ngu mtunguwo i 14.700, kuleka va va ngafa ngu mhaka ya Kora.

Mitengo 11:33

Mbimo si va nga txidya, nyama yi ti mu makwasani, Mkoma a to kukumuka ngu kuhenya. Mkoma a to limata vathu ngu dikhombo da hombe.

Dhewuteronome 32:2

Gondo yangu yi na date nga mati a nzuma, dipswi dangu di na txhike kufana ni mwando, kufana ni dipswhi di tshutshako txitimwi ka diphunde do nakana, kufana ni txyandela txitimwi ka mwasi wo nyuka.

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

2 Pedro 1:19

Se kambe, hi ngadi ni dipswi do tsana ngutu da vaprofeti, adi mi mahako ta tinene ngu ku di engisa, nga liwoningo li phatimako ha wukhaloni ka txidema, kala mbimo yi ditambo di nota woninga ni nyezi yi yi nota humelela timbiluni kwanu.