Vahebheru 13:8 - Bhiblia Yo Sawuleka

⁸ Jesu Kristu ngeneyo wammweyo, nyamnova, nyamsi ni yotshe mbimo.

Vahebheru 13:8 Referans Kwoze

Malakiya 3:6

Nguko ani Mkoma, kha ni txitxi; ngu mhaka yeto, anu vanana va ka Jakobe, kha mi loviswi.

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.

Vahebheru 1:12

Sotshe u na si peta kufana ni didhamba, si na kutxuka kufana ni syambalo, kambe awe u ku eneyo wammweyo, wutomi wako kha wu na mbi guma.”

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Masalmo 90:2

Na ku sinzi kuhumelela mimango, ku sinzi kumaheka mafu ni ditiko dotshe, kukhukhela ka kale, kala kupinduka, awe u Txizimu!

Masalmo 103:17

Aniko lirando la Mkoma kha li nga ni magwito ka vale va m'thavako kululama kwakwe kha ku na magwito ka liveleko ni liveleko,

Isaya 41:4

I mani a nga thuma e maha timhaka tiya, e dhana matiko kukhukhela kukhatani kani? Ani Mkoma, wo khata ni kugwita, ani nipune.

Masalmo 90:4

Kha ditshuri, digumi da mazana a malembe, kwako ma fana ni ditshiku da nyam'nova, di nga pinda; mwendo txikhatyana txa wusiku.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

2 Vakorinto 1:19

Nguko Mwanana wa Txizimu, Jesu Kristu a nga txhumayelwa ngu ngathu, ani ni Silivhano ni Timoti, kha maha wa “Ina” ni “ahim-him,” aniko, mbwa “Ina” yotshe mbimo.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Eksodha 3:14

Se Txizimu txi ti kha txona ka Mosi: “ANI NGANI I KU ANI.” Txizimu txi to kha txona kambe: U na ya womba tiya ka vanana va ka Israyeli: “ANI NGANI, a ni rumile kwanu.”

2 Vakorinto 1:20

Nguko, sotshe sithembiso sa Txizimu, si mani “Ina” wa sona kwakwe Jesu Kristu. Ngu toneto, hi pfalisako Txizimu ngu ngene hi txi “Amen.”

Judha 1:25

ka txona txokha i ku Txizimu ni Muhanyisi wathu, txi nga hi hulukisa ngu Mkoma Wathu Jesu Kristu, wudhumo, wuhombe, mtamo ni kufuma, si nave ka txona kukhukhela ka totshe timbimo ti ti nga pinda, ni konkuwa, ni ka malembe ni malembe. Amen.