Vahebheru 13:4 - Bhiblia Yo Sawuleka

⁴ Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Vahebheru 13:4 Referans Kwoze

Genesisi 2:24

Ngu mhaka yeto, wamwamna a na leka tate wakwe ni mame wakwe, eya ti patanisa ka msikati wakwe; vona va na va i di nyama yimmweyo.

Vagalatiya 5:19

Mithumo ya mtumbuluko wa nyama ma yi ziva, ngu yiya: Wugelegele, mikhuwo ya nzambwa, ku ambi ti ñola;

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

1 Vakorinto 5:13

Va hahanze, Txizimu ngu txona txi no va lamula. Thavisani m'bihi hagari kwanu.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

1 Timoti 3:12

Vadhiyakoni kulaveka i di va va nga teka msikati mmweyo dwe, ve xayisa ta tinene vanana vawe, ni m'ti wawe wupune.

1 Timoti 3:4

Kulaveka a txi ziva kuxayisa ta tinene m'ti wakwe apune, a txi ziva kugondisa vanana vakwe kuengisa ngu fanelo yi yi lavekako.

1 Vakorinto 7:38

Ngu toneto, awu a txhadhisako mwanana wakwe wa txihoranana a maha ta tinene. Kambe awu asi mtxhadhisiko, a maha ti i ku ta tinene ngu kupindisa.

Genesisi 2:21

Sekoko, Mkoma Txizimu a to otelisa wamwamna wukohe wo tshima; se mbimo yi a nga ti otete, a to thavisa kwakwe limbavhu limwelo, ahawa ha wukhaloni ka kona a nga vhaleta ngu nyama.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Titosi 1:6

Didhota dimwani ni dimwani, kulaveka di si nga ni txisolo, adi i ku mwamna wa msikati mmweyo, adiya di ku ni vanana vo kholwa, avava ni mmweyo asi sikotiko ku va sola ka mhaka ya mahanyelo o biha mwendo o kanyisa.

1 Timoti 5:14

Ngu toneto, ni navela ti to tinoni ti ku ngadi tiphya ti tekwa, ti veleka vanana, ti wonda mwaya, ti si tuleli mlala nzila yo womba kubiha ngu wukhongeli.

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

1 Vakorinto 9:5

Kha hi nga ni fanelo ya kupangalatana ni wamsikati wu i ku ndiyathu ngu ka Kristu, nga ti va mahako vamwani vapostoli, ni vanawe va Mkoma, ni Khefasi, kani?

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

1 Timoti 3:2

Ngu toneto, kulaveka ti to mthangeli e va i di m'thu wu a ku si nga ni txisolo, i di m'thu wu a ku ni msikati mmweyo, i di wa kutiñola, wa mapimo, a di ni nduma ya yinene, wa kuziva kuamukela vapfhumba, wa kusikota kugondisa;

Isaya 8:3

Ni to ya zivana ni msikati wangu, i ku mprofeti wa txisikati; se ene a to khura txirumbu, e veleka mwanana wa m'zambi; Mkoma a to khene kwangu: U na mraya ditina daku i Mayeri-Salali-Hasi-Bhazi.

2 Vafumeli 22:14

Sekoko mphaxeli Hilikiya, ni Ahikamu, ni Akibhori, ni Safani, ni Asaya, va to tsula ka mprofeti wa txisikati Hulidha, msikati wa Salumi, mwana Tikivha, wa mwana Harasi, muwoneleli wa syambalo (a nga txi zumba ka didhawa da wumbidi da Jerusalema) veya mtxhamusela.

Vahebheru 12:16

Ku nga ve ni wammweyo wa wugango mwendo awu a nyenyezisako sa kusawuleka nga Esawu, awu a nga xavisa wutiwula wakwe ngu mbiya ya sakudya.

Levhi 18:20

U nga thuke u otela ni msikati wa mwakelani wako, nguko u nga ti totela manyala kumweko nayo.

Dhewuteronome 22:22

Ngako wamwamna wokari a txi manwa a di otete ni msikati wo tekwa, ngu wumbidi wawe va na dawa, awule wa dijaha a nga otela ni wamsikati, kumweko ni wule wamsikati. Ngu toneto, u na fuvisa wubihi hagari ka va ka Israyeli.

1 Vakorinto 6:18

Thavani wugelegele. Txionho txihi ni txihi a txi mahako m'thu, txi kule ni mmidi wakwe; kambe awule a mahako txionho txa wugelegele a onhela mmidi wakwe wupune.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Levhi 15:18

Ngako wansikati a txi otela ni wamwana, a wu kwakwe yi nga huma mbewu ya liveleko, vona ngu wumbidi wawe va fanete kusamba mimidi hambi keto, va na va va sa basa, kala kuswa ditambo.

Jobe 31:12

Nguko mndilo wu tshokomisa kala kufani, kambe wu ndi na lovisa sotshe si ni ku naso.