Vahebheru 13:3 - Bhiblia Yo Sawuleka

³ Alakanyani ava va nga khotelwa, mi txi nga mo va ku khotelwani kumweko navo. Alakanyani avale va xaniswako, nguko na nanu mina ni mmidi.

Vahebheru 13:3 Referans Kwoze

Matewu 25:36

Ni ti si nga ni sakuambala, aniko mi ni ambekile; ni ti ti lwala, se mi tile mi ta ni xola; ni ti ti ku khotelwani, mi tile mi ta ni dingula.’ ”

Vahebheru 10:34

Nguko, anu mi pfite kuxaniseka ngu vale va nga ti mikorani, mi tumete ngu kutsaka ve mi tekela simaha sanu, ngukuva mi ti ti kholwa ngu kutsana ti to mi na mana thomba ya tshuko ni yo mbina magwito.

Varoma 12:15

Tsakani ni va va tsakako, mi txi dila ni va va dilako

1 Vakorinto 12:26

Ngako txihango txokari txi txi xaniseka, simwani sa abana kuxanisekako natxo; ngako txihango txokari txi txi dhumiswa, sotshe sihango sa tsaka kumweko natxo.

Vakolosa 4:18

Madingulisa awa ni bhala ngu txanza txangu: Ani Paulo. Mi nga divaleni ti to ni ku khotelwani. Kateko yi nave ni nanu.

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

Matewu 25:43

mbimo yi ni nga ti muendi, kha ma ni amukela; ni ti ti ni wusakato, aniko kha ma ni ambeka; mbimo yi ni nga ti ti lwala mwendo ni nga ti ku khotelwani, kha mata mi ta ni xola.’ ”

Mithumo 24:23

Se ene a to leleta mthangeli wa dizana kasiku e woneleta Paulo, a txi mninganyana kupepa ni kuva ku si tsimbwi vathu ku ta mxola.

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Mithumo 27:3

Mangwanani ka kona, ngako hi di hokile Sidhoni, Juliyo a to mahela wuxinji Paulo, e mu tumelela kuya wonana ni vangana vakwe, ni kuamukelwa ngu vona.

Genesisi 40:23

Aniko mthangeli wa vatheleli va so sela, kha mkhumbula Josefa, yi to m'divala.

Vahebheru 11:37

Va fayetetwe ngu marigwi, ve sahwa ngu masaho. Va datwe ngu kubhayetelwa ngu matxhari, va pengisilwe va di ambate madhowo a tinvuta ni a tiphongo, ve xaniswa ni kutsotsorolwa, ve khotelwa mikorani.