Vahebheru 13:2 - Bhiblia Yo Sawuleka

² Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Vahebheru 13:2 Referans Kwoze

Matewu 25:35

Nguko mbimo yi ni nga ti ni nzala, anu mi ni phamete sakudya; mbimo yi ni nga ti ni ditora, mi ni ningile mati ni sela; mbimo yi ni nga ti muendi, mi ni amukete.

Genesisi 18:1

Ngu msana Mkoma a to woneka ka Abrahamu mikusuni ka Mambre, mbimo yi a nga ti khalahatshile ha txikeni ka ditenda dakwe, ni mitshikari, na ditambo di txi hisa ngutu.

Varoma 12:13

Vhunetani vasawuleki ka si va si pwatako, mi txi amukela vapfhumba ngu manza mambidi.

1 Pedro 4:9

Zivani kuamukelana mbimo yi mi endelanako, na mi si ngungurukeli.

Matewu 25:43

mbimo yi ni nga ti muendi, kha ma ni amukela; ni ti ti ni wusakato, aniko kha ma ni ambeka; mbimo yi ni nga ti ti lwala mwendo ni nga ti ku khotelwani, kha mata mi ta ni xola.’ ”

Titosi 1:8

Kulaveka a txi ziva kuamukela vapfhumba, i di wamnene, wa kutipimela wo lulama, wa kusawuleka, wa kutiñola ka to biha,

Jobe 31:32

Mluveli a ti si oteli nzilani ni wusiku; matimba angu ni ti ti tulela vatsimbili.

Levhi 19:34

Mluveli wule a zumbako ni nanu a na va a txi xayiswa ku nga mmweyo wa va ka kwanu, u na mranda nga ti u ti randisako tona awe upune, nguko nanu mi ti valuveli ditikoni ka Egipta: Ani ngani Mkoma, Txizimu txanu!

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

1 Timoti 3:2

Ngu toneto, kulaveka ti to mthangeli e va i di m'thu wu a ku si nga ni txisolo, i di m'thu wu a ku ni msikati mmweyo, i di wa kutiñola, wa mapimo, a di ni nduma ya yinene, wa kuziva kuamukela vapfhumba, wa kusikota kugondisa;

Varoma 16:23

Wa mi dingula Gayusi, awu a nga ni amukela kumweko ni dotshe dibanza. Wa mi dingula Erastusi, mñoli wa male ya didhoropa diya, ni mwanathu Kwartu.

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Jobe 31:19

mwendo ni woni wokari a txi kelelelwa ngu so ambala, hambi txisiwana txo pwata so fenengela;

2 Vafumeli 4:8

Ku to maheka ati to dimwani ditshiku Elixa a txi ya Sunemi, a to wona wamsikati wokari wo mana, awule a nga m'zumbisa ni ku mninga dipawu; ku to maheka ati to yotshe mbimo a txi tolovela kupinda edya kona.

Genesisi 19:1

Ni minova, tingelozi timbidi ti to hoka Sodhoma, Loti a di khalahatshile ha txikeni ka didhoropa. Mbimo yi Loti a nga ti wona, a to khukha e ti hingeta, se a to nama hahatshi,

3 Johani 1:5

Wo randeka, u hanya wutomi wo thembeka ka totshe ti u ti mahako ka vanathu, ngutu-ngutu ka vale i ku vapfhumba.