Vahebheru 13:1 - Bhiblia Yo Sawuleka

¹ Yanani masoni ngu kurandana nga vanawe.

Vahebheru 13:1 Referans Kwoze

1 Johani 4:20

Ngako m'thu a txi khene: “Ani na randa Txizimu,” na a txi vengela mwanawe, mthuyo ana ni makuhu: Nguko awu asi randiko mwanawe, awu a mu wonako, kha na kusikota kuranda Txizimu txi asi txi woniko.

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

2 Pedro 1:7

mi txi tsanisa wukhongeli ngu kudhundana ka wuxaka, mi txi tsanisa kudhundana ka wuxaka ngu lirando.

1 Pedro 2:17

Vekani txithavo ka votshe vathu. Randani kuhanyelana. Thavani Txizimu. Thavani mfumeli.

Vahebheru 10:24

Ahi laveni tinzila to vhunana, hi txi tsaniselana amu ka lirando ni ka mithumo ya yinene.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

1 Pedro 4:8

Ngutu-ngutu, khatalelani kurandana, nguko lirando la fenengeta mtalo wa sionho.

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

Mtuletelo 2:4

Kambe na kusola nguko u lekile lirando lako lo khata.

1 Johani 3:23

Txirumo txa Txizimu ngu txiya: Kukholwa ka ditina da Mwanana wa txona Jesu Kristu, ni kurandana nga ti a nga hi rumisa tona.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Johani 15:17

Txileleto txi ni txi siyako kwanu ngu txiya: Randanani.”

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Vaefesu 4:3

mi ti karata ngu kuveketa mpatano wa Moya, ngu kupfana ko dikha.

Mithumo 4:32

Msengeletano wa makholwa wu ti ni mbilu yimweyo ni moya wumwewo. Ku ti si nga ho ni wammweyo wa kupimisa ti to si lumba ene ekha, asi a nga ti naso; aniko hagari kwawe, sotshe i ti sa votshelele.

Mithumo 2:1

Ku di hokile ditshiku da Pentekoste, vagondiswa va ti ti maneka votshe va di tshanganile wukhalo wumwewo.

Masalmo 133:1

Eto ti tshambisako tona ni kutsakisa, ngako maxaka ma txi hanya kumweko ngu kupfana!