Vahebheru 12:3 - Bhiblia Yo Sawuleka

³ Ngu toneto, alakanyani ene wuwa a nga timisela kuxaniswa ko ngeto, ngu mhaka ya vaonhi, kasiku mi si rereki, mi si gumi mtamo timbiluni kwanu.

Vahebheru 12:3 Referans Kwoze

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

2 Vakorinto 4:16

Ngu toneto, kha hi gumi mtamo. Hambi mmidi wathu ngu ha hanze wu txi maha wo onheka, kambe ngu mndani wu hinduka wu txi maha wa wuphya ditshiku ni ditshiku.

Mtuletelo 2:3

U na ni kutimisela, nguko u tumete kuxaniseka ngu mhaka ya ditina dangu, aniko khwa rereka.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

Johani 5:16

Ngu konaho, Vajudha va to khata kuvengela Jesu, ngukuva a di mahile tile ngu ditshiku da Sabbata.

1 Samuwele 12:24

Thavani Mkoma dwe, mi mthumela ngu kuthembeka ka timbilu tanu totshe, nguko wonani timhaka ta hombe ti a nga mi mahela tona.

Vahebheru 12:5

Kasi mi divate mapswi awa mi khongotelwako ngu ona, nga kule ka vanana, aawa ma ku: “Mwanangu, u nga kanyise kulaywa ngu Mkoma: U nga khuveke, ngako a txi kukawuka.

Luka 14:1

Ngu ditshiku da Sabbata, Jesu a to wulela nyumbani ka mmweyo wa vathangeli va Vafarisi, kuya dya sakudya. Se va ti mu wonisisa ta tinene.

Dhewuteronome 20:3

a txi khene kwawe: Engisani anu va ka Israyeli, Nyamsi tshuketani mi txi yalwa ni valala vanu; yi nga wike misana yanu; mi nga va thaveni, kambe mi nga dhudhumeleleni, hambi ku telwa ngu dizowa masoni kwawe,

2 Vatesalonika 3:13

Kambe anu, vanathu, mi nga karaleni ngu kumaha ta tinene.

Johani 18:22

Kambe, neti Jesu a nga gwita kuwomba tiya, mmweyo wa diphoyisa, a nga ti emile konaho a to mu yamasa ngu mpama, a txi khene: “Ngu toneto, u angulisako tona mphaxeli wa hombe kani?”

Johani 8:52

Vajudha va txi kha vona kwakwe: “Konkuwa se ha tiziva ti to u na ni didhimoni. Abrahamu a fite, vaprofeti ni vona va fite; se awe u khawe: ‘Ngako m'thu a txi veketa dipswi dako, kha na mbi wona lifo ni ditshiku ni da dimwedo.’

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Mavingu 24:10

U txi ti wona u txi relela ngu ditshiku da xomulo, tikomba ku khwa tsana.

Johani 8:59

Sekoko vona va to rola marigwi kasi ku mu rinzetela, aniko Jesu a to sisala, e huma Dithepeleni.

Johani 8:13

Vafarisi va to mu gela, va txi kha vona: “Awe wo ti fakazela upune. Wufakazi wako hi nga wa wunene.”

Johani 7:12

Se ku ti ni kukanetisana ka hombe hagari ka dibutho, vamwani va txi kha vona: “I m'thu wamnene.” Vamwani va txi kha vona: “Ahim-him, wa kanganyisa vathu.”

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Luka 15:2

Aniko Vafarisi ni Vabhali va ti ti ngungurukela va txi kha vona: “Mamowa wa amukela vawomhi, a txi dya navo.”

Luka 5:21

Se vabhali ni Vafarisi va to khata kuwombawomba timbiluni kwawe, va txi kha vona: “I mani wuwa a ruketelako kani? I mani a sikotako kudivalela sionho, i si nga Txizimu kani?”

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;

Matewu 22:15

Sekoko Vafarisi, va di khukhile, va to ya langana, txikungoni, marindi a kuñola Jesu amu ka mapswi akwe.

Matewu 21:46

Se va ti lava ku mñola, aniko va to thava dibutho da vathu, nguko vona va ti ti m'ziva nga mprofeti.

Matewu 21:23

Msana keto, a to wulela Dithepeleni. Mbimo yi ene a nga ti gondisa, vaphaxeli va hombe ni madhota a ditiko va to mu yela va txi ya kha vona kwakwe: “U wu mana hani mtamo wa kumaha tiya kani? I mani a nga kuninga mtamo wo ngeto kani?”

Matewu 15:2

“Vagondiswa vako va ndakela txani sihena sa vakale, kani? Nguko kha va sambi manza mbimo yi va dyako sakudya.”

Matewu 12:24

Aniko Vafarisi, ngako va txi pfa eto, va to kha vona: “Awuwa kha toveli madhimoni i si nga ngu mtamo wa Bhelzebhule, i ku mkoma wa mimoya yo biha.”

Matewu 11:19

A tile Mwanana wa M'thu, wa dya, wa sela, se va kha vona: ‘Wonani nyalimitoyo ni didevi, mngana wa vakhupisi ni vaonhi.’ Aniko wuzivi wa Txizimu wu kombisile kululama ka wona ngu mithumo ya wona.”

Johani 9:40

Se Vafarisi vokari, va nga ti kumweko nayo, ngako va di engisile tiya, va to mu wotisa, va txi kha vona: “Ina hi mabhofu nathu kani?”

Johani 10:20

Wungi wawe, va ti ti kha vona: “Ana ni didhimoni, a hundekile! Ngu kutxani mi mu engiselako kani?”

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.