Vahebheru 12:1 - Bhiblia Yo Sawuleka

¹ Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Vahebheru 12:1 Referans Kwoze

2 Timoti 4:7

Ni lwite yimbi ya yinene, ni hetile mnava wa kututuma kwangu, ni veketile likholo.

Vafilipiya 2:16

mi humelelisa Dipswi da wutomi, eto ti nava i di kupfaliswa kwangu ka Ditshiku da Kristu, nguko ni na va ni sa tutuma ni kuthuma mahala.

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Vagalatiya 5:7

Mi ti tutuma kwati; se i mani a nga mi tsivela, kasiku mi si engisi ditshuri kani?

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

Varoma 12:12

Tsakani kuthembani kwanu, mi txi timisela kuxanisekani; mi txi simama kukhongelani.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

2 Timoti 2:4

A walo m'thu wu, a ku, a di yimbini, a txi ti ningetela ka mithumo ya kuhanya kuwa, ngako a txi lava kutsakisa awule a nga mramba ku ta yimbini.

Jakobe 1:3

ngu kuziva ti to txiduko txa likholo lanu, txi ninga kuhonisela.

Matewu 24:13

Aniko awule a no zumba a di tsani kala magwito, a na hanyiswa.

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Vahebheru 6:15

Se Abrahamu, ngu kutimisela kwakwe, a to mana si a nga thembiswa sona.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

1 Pedro 4:2

kasiku, ka masiku awa a nga salelwa ngu ona a kuhanya nyamani, e sikota kuhanya asi londeteli minavelo ya nyama, aniko a txi londetela kuranda ka Txizimu.

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

2 Pedro 1:6

mi txi tsanisa wuzivi ngu kutipimela, mi txi tsanisa kutipimela, ngu kuhonisela, mi txi tsanisa kuhonisela ngu wukhongeli,

Mtuletelo 22:16

Ani Jesu, ni rumete Ngelozi yangu, kasi ku mi fakazela timhaka tiya ti lumbako mabanza: “Ani ni diphasikela da liveleko la Dhavhidha, ni nyeleti yi phatimako hale mixo.”

1 Pedro 5:12

Ni mi bhalela ngu kukomisa, ngu txyanza txa Silivhano, awu, ngu mawonelo angu, i ku mwanathu wo thembeka, kasi ku ni txi mi laya, ni tsanisa masoni kwanu ti to ayiya ngu yona kateko ya ditshuri ya Txizimu, ayi mi nga tsana ka yona.

Isaya 60:8

Mbamani vale vatako ngu kupuruma nga marefu, ni ku nga situvani ka mafasitela a sona kani?

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Johani 3:32

a fakaza ngu ti a nga ti wona ni ti a nga tiengisa, aniko kha ku na m'thu wu a amukelako wufakazi wakwe.

Ezekhiyele 38:16

Se u na wukela vathu vangu va ka Israyeli, kufana ni direfu, di txi fenengeta ditiko; ngu magwito ka masiku, ku na maheka taku ni txi kutisa u ta wukela ditiko dangu, kasi ku matiko ma txi na ni ziva, mbimo yi ni no va ni di sawulekisile maso ako, awe Goge.

Ezekhiyele 38:9

Sekoko u na kwelela, u txi ta ni txihuhuri, u na nga direfu, kasi kufenengeta mafu, awe ni otshe masotxhwa ako, u di ni vathu votala.

Mtuletelo 13:10

Awu a nga sikelwa ku khotelwani, a na ya ku khotelwani; awu a nga sikelwa kudawa ngu ditxhari, a na fa ngu dona ditxhari. Atiya ngu tona ti tsanisako kuhonisela ni kukholwa ka vasawuleki.

Luka 16:28

Nguko ni ni mtxhanu wa vanathu, kasi ku eya fakaza kwawe, ti to va si tiswi ka wukhalo wuwa wa sixaniso.’

Masalmo 18:23

Ni m'thu wa ditshuri masoni kwakwe kambe na ti vhikela ka tinzila to biha.

Johani 4:39

Vasamariya vavangi va didhoropa dile va to kholwa kwakwe, ngu mhaka ya wule wamsikati, a nga fakaza a txi khene: “Ene a ni gete totshe ti ni nga ti maha.”

Johani 4:44

Ene Jesu apune a ti wombile a txi khene: “Mprofeti kha dhundwi ditikoni kwawe.”

Vagalatiya 2:2

Ni kwete ni txi ya kona ngu kutulelwa ngu Txizimu. Ni xawutete masoni kwawe Evhangeli yi ni txhumayelako ka vamatiko; ni wonani navo ngu phuho avale i ku vathangeli va hombe, ni txi va xawutela ni vona, ngu kuthava ti to ni nga tutuma mwendo ni nga va ni di tutumile mahala.

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Vafilipiya 1:30

mi lwa yimbi yi mi nga ni wona ni txi lwa nani, yimbi yi ni konkuwa mi ti zivako ti to ni ngadi ni txi lwa yona nani.

1 Pedro 5:1

Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

Jobe 8:10

Ina marambu kha ma na mbi kugondisa, kha ma na mbi kugela, ngu mbiluni kwako kha ma na mbi maha ditshuri kani?

Marku 10:50

Ene a to tshotsha nguwo yakwe, a so lepu a ya ka Jesu.