Vahebheru 11:1 - Bhiblia Yo Sawuleka

¹ Likholo njitsaniso txa kumana simaha si hi si rinzelako, kambe njikombiso txa sile hi si si woniko.

Vahebheru 11:1 Referans Kwoze

2 Vakorinto 5:7

Nguko, hi hanya ngu likholo i si nga ngu ku ti wona.

2 Vakorinto 4:18

Kha hi nga ni mhaka ni si si wonekako, aniko hi ni mhaka ni si si si wonekiko, nguko asi si wonekako sa pinda, kasi asi si si wonekiko kha si na magwito.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Masalmo 27:13

Kambe ani, na themba ngu kutsanisa ti to ni na wona wunene wa Mkoma ditikoni ka va va hanyako.

Vahebheru 11:27

Ngu likholo, a humile Egipta, asi thavi kuhenyelwa ngu mfumeli. Se ene a to tsana e lamba nga wo wona awule asi wonekiko.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

Vahebheru 10:39

Athu kha hi nga vathu va va tshumelelako msana, veya kulovani. Hi vathu va likholo, kasi ku hi txi hanyisa mimoya yathu.

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

1 Vakorinto 13:13

Konkuwa, likholo ni txithembo ni lirando nzimaha so tsana ngu wuraru wa sona, aniko txa hombe ka sona ngu lirando.

Vahebheru 11:13

Votshe vathu vava va fete kukholwani, na va sinzi kumana si va nga ti thembisilwe sona. Vona va to si wona ni ku si tsakela ngu kule dwe, va txi ti tshanza ti to vona mbawuyi ni vaendi ha mafuni.

Vahebheru 3:14

Nguko, hi vamwevo ni Kristu, ngako hi txi vekisa ngu kutsana kala magwito kuthemba kwathu, aku hi nga va nako kukhatani,

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

2 Vakorinto 5:17

Ngu kumaha keto, awu a ku ka Kristu, njivangwa txa txiphya; sa kale se si pindile; sotshe si mahile sasiphya.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

2 Vakorinto 11:17

Ati ni lavako kuwomba kha ni ti wombi madingano ni kuwomba ka Mkoma, aniko nda wuphuphulu dwe, ngu kuthemba kwangu ti to ni ni fanelo ya ku ti dhumisa.

2 Vakorinto 9:4

Idiku Vamakedhoniya vokari vo ta ni nani kheyo, va ta mi mana mi sa ti longisela, ku mi themba kwangu ka hombe ku ndi na hinduka kumaha tingana kwathu. Kha ni lavi kuwomba ti to ndingana kwanu.

Vahebheru 3:6

Aniko Kristu, a thembekile kota Mwanana, nyumbani ka txona Txizimu. Se Nyumba ya Txizimu ngu ngathu, ngako hi txi vekisa kutsana ko hetiseka ni kuthemba ko tsakisa.