Vahebheru 10:10 - Bhiblia Yo Sawuleka

¹⁰ Se ngu kona kuranda kuwa, athu hi basisilwe ngu kuningelwa ka mmidi wa Jesu Kristu, awu wu nga ningelwa kumweko dwe, wu txi maha mhamba yo mbi na magwito.

Vahebheru 10:10 Referans Kwoze

Vahebheru 10:14

Kha ditshuri, ngu mhamba yimweyo dwe, ene a va ningile kusawuleka ko hetiseka, vona vathu vava a va sawulekisako.

Vahebheru 10:12

Kasi ene Kristu, a phaxile mhamba ya kudivalela sionho kumweko dwe. Msana keto, a ti ya khalahatsha txineneni ka Txizimu kala kupinduka;

1 Vakorinto 6:11

Vamwani kwanu i ti vo nga toneto, aniko se mi kuwutwe, mi sawulekisilwe, mi mahilwe valulami ngu ditina da Mkoma wathu Jesu Kristu ni Moya wa Txizimu txathu.

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Johani 17:19

Se ni sawulekisele vona, ti to ni vona ve sawulekiswa ditshurini.”

Vahebheru 13:12

Ngu toneto, Jesu, kufela kubasiswa vathu ngu mnoha wakwe wupune, a dawetwe hahanze ka txike txa didhoropa.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Vahebheru 9:28

ngu toneto, Kristu a ti ningete kumweko basi, kufela kufuvisa sionho sa vathu vavangi. A na woneka da wumbidi, i si nga ngu mhaka ya txionho, aniko ngu mhaka ya ku ta hanyisa avale va m'verelako.

Vahebheru 9:12

Ene a wulete kumweko dwe ka wukhalo wo Sawuleka ngutu. Ene kha phaxa ngu mnoha wa tiphongo mwendo wa tihomu, aniko a phaxile ngu mnoha wakwe wupune, a txi hi ninga kuhanya ko mbi guma.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Vahebheru 10:20

Ngu kwakwe hi mani nzila ya yiphya ni ya kuhanya, ayi ene a nga hi tulela kasi ku hi txi pinda ngu hagari ka m'jiyo i ku mmidi wakwe.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

1 Johani 5:6

Jesu Kristu ngene wu a nga ta kwathu ngu mati a kubhabhatiswa kwakwe ni mnoha. Moya ngu wona wu fakazako, nguko Moya ngu wona i ku ditshuri.

Johani 19:34

Aniko mmweyo wa masotxhwa a to mthola ha ka didhawa ngu ditxhari, se konaho ku to humela mnoha ni mati.

Vahebheru 2:11

Nguko, hambi M'basisi, hambi va va basiswako, va huma ka Tate mmweyo. Ngu mhaka yeto Jesu, kha kanakani ku va dhana ti to i vanawe, nga mapswi awa,

Vahebheru 10:5

Ngu toneto, mbimo yi a nga wulela mu ditikoni, Kristu a ti khene: “Timhamba ni miningelo kha sa kutsakisa, aniko u ni lulamisete mmidi.

Johani 6:51

“Ani ni dipawu da kuhanya di nga txhika ngu nzumani. Awu a dyako dipawu diya a na hanya wutomi wo mbi guma. Dipawu di ni no mninga, ngu mmidi wangu ni no wu ningela ngu kulava kuhanyisa ditiko.”

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Vaefesu 5:26

kasiku a txi di kuwula ngu mati, ni ku di basisa ngu dipswi,

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Vahebheru 9:14

ngutu-ngutu mnoha wa Kristu, awu a nga ti ningela apune, na a si nga ni txionho, ngu Moya wo Sawuleka, ka Txizimu txi txi hanyako, ngu wona wu ku ni mtamo wa kubasisa timbilu tathu ka mithumo ya lifo, ti to hi sikota kuthumela Txizimu txa kuhanya.

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.