Vahebheru 10:1 - Bhiblia Yo Sawuleka

¹ Se, ngako mlayo i ku txifananiso dwe, txa simaha sa sinene si si tako, i ku si nga sona simahaso sa sinene sipune si ti wonekisako, wona mlayo, hambi kumahwa ka timhamba to wuyelelwa yotshe mbimo, ati ti ningelwako kugumani ka dilembe ni dilembe, kha wu sikoti ni ka kudotho kuyisa kuhetisekani avale va manako txihiwa ka tona timhambeto.

Vahebheru 10:1 Referans Kwoze

Vahebheru 8:5

Aniko, mthumo wa kukhozela kwakwe njifananiso ni mtsudi wa si si ku nzumani, madingano ni kuleleta ka Txizimu, ku ku nga amukelwa ngu Mosi, kasiku e aka ditenda, nguko a getwe ku: “Kulaveka ku u txi wona, kasiku u maha totshe madingano ni ti u nga geliswa tona mmangoni.”

Vahebheru 9:11

Aniko Kristu, i ku Mphaxeli Wahombe wa silo sa sinene si si tako, a humelete ka ditenda da hombe da kuhetiseka, adiya di nga mbi mahwa ngu manza a m'thu, adiya i ku si nga da mtumbuluko wa ditikoni muwa.

Vakolosa 2:17

Sotshe siya i mtsudi wa si si tako, aniko ditshina da sona i Kristu.

Vahebheru 9:23

Ngu toneto, ngako sifananiso sa simaha sa nzumani si basiswako ngu miphaxo yo nga toneto, ta laveka ti to sona simaha siya sa nzumani si basiswa ngu miphaxo yo pinda yile.

Vahebheru 9:25

Ene kha wulelela ku ti ningela sikhati so tala, nga ti a mahisako tona mphaxeli wa hombe dilembe ni dilembe, a wulelako txiluveloni ko basa, a txi tisa mnoha wo va i si nga wakwe.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Vahebheru 7:11

Ngu toneto, idiku wuphaxeli wa Levhi i ti wo hetiseka, ngako vathu va nga amukela mlayo hahatshi ka wona wuphaxeli wonewo, ti mahisa kutxani kulaveka wumwani wuphaxeli madingano ni wa mlayo wa Melkisedheki, i si nga madingano ni mlayo wa Aroni, kani?

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Levhi 9:16

A mahile kambe mningelo wo hiswa, e maha totshe nga ti ti nga emiselwa ngu mthetho.