Vahebheru 1:8 - Bhiblia Yo Sawuleka

⁸ Kambe ngako txi txi womba ngu Mwanana, Txizimu txi wombisa tiya: “Txiluvelo txako, awe Txizimu, txi tsani kala kupinduka, se ndonga yako ya wukoma i ndonga ya kululama.

Vahebheru 1:8 Referans Kwoze

Johani 10:30

Ani ni Tate hi mmweyo.”

Varoma 9:5

avava i ku lixaka la vakokwani vathu, avava hambi Kristu a nga velekelwa kwawe ngu ka wuthu, ene a ku txitimwi ka sotshe somaha, i ku Txizimu txi txi dhumiswako yotshe mbimo. Amen.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

1 Vakorinto 15:25

Nguko ta laveka ti to Kristu e fuma, kala kuza e veka votshe valala hahatshi ka mikondo yakwe.

Johani 20:28

Se Tomasi a to khene: “Mkoma wangu ni Txizimu txangu!”

Hoseya 1:7

Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.

2 Samuwele 23:3

Kuwombile Txizimu txa ka Israyeli Dirigwi da Israyeli di wombile tiya kwangu: Ku nava ni mlulami wu a no fumela txitimwi ka vathu, a na fuma ngu kuthava Txizimu.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Dhewuteronome 2:37

Aniko kha ha wulela ka ditiko da Amoni, kufana ni ka dotshe di ku mabambe ka mnambo wa Jakobe, kumweko ni madhoropa ale ma ku mmangoni ni sotshe si Mkoma, Txizimu txathu, a nga hi tsimba.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Johani 10:33

Vajudha va to xamula, va txi kha vona: “Kha hi lavi ku kubalisela ngu mhaka ya mthumo wa kutshura, aniko ngu mhaka ya txiruko, nguko awe, u ku m'thu, u ti maha Txizimu.”

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Jeremiya 38:15

Jeremiya a to khene ka Zedhekiya: Ngako ni txi kugela mhaka, u na ni daya; ni kungako ni txi kuninga wusungukati, khu na mbi ni engisa.

Isaya 45:25

Aniko ka Mkoma li nava li di lulamile ni kutikulisa lotshe liveleko la ka Israyeli.

Masalmo 72:7

Kudikha ni kululama si na tale kufumani kwakwe si na simame si diho, mtxima wu txi ngadi wu woninga!

Dhewuteronome 7:14

U na katekiswa ngutu kupinda vathu votshe. Ni wammweyo wa hagari kwanu kha na mbi va i di txifule, mwendo mbwamwamna mwendo mbwamsikati, hambi sihari sako so fuywa.

2 Pedro 1:11

Ngu yoneyo nzila, mi na tulelwa diphango da wukoma wo mbi guma wa Mkoma wathu ni Muhanysi wathu Jesu Kristu.

Luka 1:75

Ngu kubasa ka mbilu ni kululama masoni kwakwe, ka otshe masiku a kuhanya kwathu.