Vahebheru 1:3 - Bhiblia Yo Sawuleka

³ Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Vahebheru 1:3 Referans Kwoze

Mtuletelo 4:11

Ngawe u ku ni fanelo, Mkoma Txizimu txathu, Ya kuamukela kupfaliswa, wudhumo ni mtamo, Nguko ngawe u nga va nga sotshe simaha; Se ngu kuranda kwako, sona si tumbulukile, si mana kuhanya.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Johani 1:4

Wutomi wu ti ti ka dona. Wutomi i ti ti liwoningo la vathu.

Vahebheru 10:12

Kasi ene Kristu, a phaxile mhamba ya kudivalela sionho kumweko dwe. Msana keto, a ti ya khalahatsha txineneni ka Txizimu kala kupinduka;

Judha 1:25

ka txona txokha i ku Txizimu ni Muhanyisi wathu, txi nga hi hulukisa ngu Mkoma Wathu Jesu Kristu, wudhumo, wuhombe, mtamo ni kufuma, si nave ka txona kukhukhela ka totshe timbimo ti ti nga pinda, ni konkuwa, ni ka malembe ni malembe. Amen.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Vahebheru 4:14

Aku athu hi ku ni mphaxeli wa hombe, awu a nga dhawula makenekene a txi ya huma nzumani, Jesu Kristu, Mwanana wa Txizimu, hi fanete kuva ni likholo la kutsana.

1 Johani 3:5

Aniko anu ma tiziva ti to ene a ti wonekisile kasi ku ta thavisa sionho; kambe kwakwe kuwalo txionho.

2 Pedro 1:16

Nguko, ku mi gondisa kwathu timhaka ta mtamo ni kuta ka Mkoma wathu Jesu Kristu, kha ta khukhela ka mabhulo o sikwa ngu wutxhari wa m'thu, aniko hi mi gondisile ngu ku hi nga wona wuhombe wakwe ngu maso athu mapune.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Masalmo 75:3

Ngako ditiko di txi tsekatseka, kumweko ni sotshe sivangwa si ku ka dona, ani ni na tsanisa tiphande ta dona.”

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Vahebheru 7:27

Kwakwe kha kulaveki ti to ditshiku ni ditshiku a txi wuyelela kuphaxa mhamba ya sionho sakwe kukhata, ngu msana a txi tshumela e phaxa yimwani mhamba ya sionho sa vathu, nga ti va mahako vamwani vaphaxeli vahombe. Ene a to phaxa mhamba yimweyo dwe ya kuenela, ngu hawa a nga ti ningela ene apune.

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Vakolosa 3:1

Ngako mi di wukile ka vo fa kumweko ni Kristu, lavani asi i ku sa txitimwi, ahawa a zumbako kona Kristu, awu a nga khalahatsha txineneni ka Txizimu.

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

Mithumo 7:56

Se a ti khene: “Ma ti wona, ani ni wona nzuma yi di tulekile, ni Mwanana wa M'thu a di emile txineneni ka Txizimu.”

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Ekleziyaste 8:4

Nguko dipswi da mfumeli di ni mtamo; se i mani wu a no khene kwakwe: U maha txani kani?

Jobe 37:22

kuphatima ka nzalama kuta ngu wuphemba; nguko ka Txizimu ku ni kuthaviseka ka hombe.

Vahebheru 9:16

Ngu toneto, ahawa ku ku ni dipapilo da thomba, ta laveka kuziva ta tinene ti to m'bhali wa dona a fite.

Matewu 22:24

va txi kha vona: “M'gondisi, Mosi a ti khene: ‘Ngako m'thu a txi fa, a si nga ni vanana, mnanda wakwe a na sambele thaka msikati wakwe, a txi wusa mwaya wa mkomwakwe.’

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Vahebheru 1:13

Mwendo ngu ka yihi ngelozi, Txizimu txi nga yi gela, hambi ditshiku da dimwedo, txi txi kha txona: “Khalahatsha txineneni kwangu, kala kuza ni maha ava i ku valala vako txikhigelo txa mikondo yako,” kani?

2 Pedro 1:17

Nguko, ene a amukete manzani ka Txizimu Tate, wudhumo ni kupfaliswa, mbimo yi di nga ta dipswi ngu kuphatimani ko xamalisa di txi ta kha dona: “Awuwa i Mwanana wangu wo randeka ngutu, awu ni tsakiswako ngutu ngu ngene.”

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.