Vahebheru 1:11 - Bhiblia Yo Sawuleka

¹¹ Sotshe si na lova, kambe awe khu na magwito; sotshe si na sakala kufana ni syambalo.

Vahebheru 1:11 Referans Kwoze

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Marku 13:31

Nzuma ni mafu si na pinda, kambe mapswi angu kha ma na mbi pinda.”

Isaya 34:4

Se otshe mabutho a nzumani ma na guma, kambe nzuma yi na petwa nga dibhuku, ni dotshe dibutho da sa nzumani di na wa, kufana ni kuwa ka mazokoro a m'vhinya, ni ku nga kuwa ka dikuwu da mkuwu.

Mtuletelo 21:1

Konako ni to wona nzuma ya yiphya ni mafu a maphya, nguko nzuma yo khata ni mafu o khata si ti fuvile ni linene li si swi li diho.

Luka 21:33

Nzuma ni mafu si na pinda, aniko mapswi angu kha ma na mbi pinda.”

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Vahebheru 12:27

Mapswi awa kambe ma zivisa ka wumbidi ti to si na fuviswa sotshe siwumbwa so dekadeka sa ha mafuni, kasiku si txi sala dwe asi si si dekadekiko.

Isaya 65:17

Nguko ani na vanga nzuma ya yiphya ni mafu a maphya; se kha ku na mbi alakanywa timhaka tile ti nga pinda, kambe kha si na mbi khumbulwa.

Masalmo 90:2

Na ku sinzi kuhumelela mimango, ku sinzi kumaheka mafu ni ditiko dotshe, kukhukhela ka kale, kala kupinduka, awe u Txizimu!

Masalmo 10:16

Mkoma wa fuma kala kupinduka; mahedheni ma na humiswe ditikoni kwakwe.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Mtuletelo 2:8

Ka ngelozi ya Dibanza da Esmirna, bhala u txi khawe: “A womba tiya awule wo khata ni kugwitisa, awule a nga ti fite, se e tshumela e hanya.

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Isaya 50:9

Wonani taku Mkoma Txizimu wa ni vhuna, mlamuli wangu ngu mani kani? Wonani taku votshe va na sakala kufana ni syambalo, se va na dyiwa ngu sumba.

Isaya 41:4

I mani a nga thuma e maha timhaka tiya, e dhana matiko kukhukhela kukhatani kani? Ani Mkoma, wo khata ni kugwita, ani nipune.

Masalmo 29:10

Mkoma wa fuma txitimwi ka ndambi; Mkoma a na fuma kala kupinduka!

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Masalmo 102:26

Sotshe si na pinda, aniko awe u na simama u tsana. Sotshe ha mafuni sa sakala kufana ni nguwo; sotshe u na si txhipisa kufana ni syambalo, se si na mwalala!

Vahebheru 8:13

Ngu toneto, ngako a txi womba ngu txitumelelano txa txiphya, a txhipisa txile txo khata. Se atxi i ku txa kale, atxi txi nga txhipa txi hafuhi ni kumwalala.