Vafilipiya 4:6 - Bhiblia Yo Sawuleka

⁶ Mi nga karatekeni ngu txilo, vanathu, aniko mikombelo yanu yi na kombe minavelo yanu ni kubonga kwanu ka Txizimu.

Vafilipiya 4:6 Referans Kwoze

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.

Masalmo 55:22

“Veka wutomi wako manzani ka Mkoma se ene a na kuxayisa, txima kha na mbi leka m'thu wo lulama e xaniseka yotshe mbimo.”

Matewu 6:8

Ngu konaho, mi nga fananeni navo, nguko Tate wanu wa si ziva sotshe si mi si pwatako, mi sinzi ku mkombela.”

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Mavingu 16:3

Veka themba ya simaho sako ka Mkoma, se mipimiso yako yi na maheka.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Vakolosa 4:2

Simamani mi khongela, mi txi khutalela kona mikombeloni, na mi txi bonga,

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Vakolosa 3:17

Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.

Luka 18:1

Jesu a engetile a txi mahela vagondiswa vakwe txifananiso, kasi kuwomba ti to ka laveka kukhongela yotshe mbimo, va si rereki:

Luka 12:22

Se a to khene ka vagondiswa vakwe: “Ngu toneto, ni khani kwanu: Mi nga thukeni mi vilela ngu sa wutomi wanu, ti to mi na dya txani, hambi ni si sa mmidi wanu, ti to mi na ambala txani.

Masalmo 51:15

Mkoma, tula txisofu txangu; kasiku ni na sikota kuhuwelela wudhumo wako.

Vakolosa 3:15

Timbiluni kwanu ku na fume kudikha ka Kristu, eko mi nga dhanelwa kona; kasi ku ta maha mmidi wumwewo; kombisani kubonga kwanu.

1 Samuwele 30:6

Se Dhavhidha a to henya ngutu, nguko vathu va ti ti womba-womba ngu kulava ku m'balisela ngu marigwi, nguko timbilu ta vathu votshe ti ti kuxanisekani, mmwani ni mmwani ngu mhaka ya vanana vakwe va majaha ni vamahorana; hambi keto Dhavhidha a to tsana ka Mkoma, Txizimu txakwe.

Vaefesu 5:20

yotshe mbimo mi bonga Txizimu txathu, i ku tate ngu sotshe si txi nga maha, ngu ditina da Mkoma wathu Jesu Kristu.

Masalmo 55:17

Ni minova, ni mixo, ni dhina ni na khongela; ni na kwangula, se ene a na engisa dipswi dangu.

Luka 10:41

Aniko Mkoma a to mu xamula a txi khene: “Marta, Marta, u vilela u txi ti karata ngu sasingi;

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Matewu 10:19

Aniko ditshiku di va mi ningelako kwawe, mi nga karatekeni ngu kulava kuziva ati mi no womba tona ni mawombawombelo a kona.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Luka 12:29

Kambe anu mi nga vileleni ngu si mi no dya ni si mi no sela, mi nga kanakaneni;

1 Samuwele 1:15

Aniko Ana a to xamula, a txi khene: Ahim-him nyamne wangu, ani ni wamsikati wo xaniseka moyani; kha na sela vhinya hambi sopa; kambe no tshakunuta dihika dangu masoni ka Mkoma.

2 Vakorinto 1:11

Txizimu txi na hi vhuna ngu mtamo wa mikombelo yanu, kasiku kateko yi hi nga ningwa ngu mhaka ya kukombelelwa ngu vavangi, yi bongwa ngu vathu vavangi ditinani kwathu.

1 Vakorinto 7:32

Ani ni ti dhunda ti to mi si zumbi ngu kukarateka. Awu a nga mbi teka msikati a khutalela kumaha kuranda ka Mkoma, kumaha ti ti sikotako kutsakisa Mkoma;

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Dhaniyeli 3:16

Xadreke, Mixake ni Abhedhi-Nego va to xamula mfumeli Nebhukodhonosori, va txi kha vona: Kha hi naveli kuxamula txilo txitimwi ka mhaka yiya.

2 Makronika 32:20

Se mfumeli Ezekhiya, ni mprofeti Isaya, mwana Amosi, va to peka huwa nzumani ve kombela ngu mhaka yiya.

1 Samuwele 7:12

Sekoko Samuwele a to teka dirigwi e di emisa hagari ka Misipa ni Semi, kambe a to raya ditina daku Ebhenezeri, a txi khene: Kala hawa, Mkoma a hi vhuni.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

1 Vakorinto 7:21

U dhanwi u di txithumi kani? U nga khatale. Aniko, ngako u txi mana kateko yo thuswa, yi londole.

1 Vafumeli 8:28

Pfisisa koko mkombelo wa txithumi txako awe Mkoma, Txizimu txangu, kasi upfa kudila ni mkombelo wu nyamsi txithumi txako txi mahako masoni kwako.

Jeremiya 32:16

Se msana ka kuva ni di ningete dipapilo da mxavo ka Bharuke, mwana Neriya, ni to kombela ka Mkoma, ni txi khani:

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Matewu 6:34

Ngu toneto, mi nga karatekeni ngu sa ditshiku da mangwana, nguko ditshiku da mangwana di na ni sikarato sa dona. Ditshiku ni ditshiku di dinganelwa ngu sikarato sa dona.”

1 Timoti 2:1

Txo khata ka sotshelele, ni leletela ti to ku na mahwe mikombelo, kukhozela, kukhongela ni kubonga ngu votshe vathu:

1 Timoti 5:5

Se ka wule i ku noni kha ditshuri, awu a nga sala ekhalela, eyo a vekile txithembo txakwe ka Txizimu, a zumba a txi khongela ni kukombela wusiku ni mitshikari.