Vafilipiya 4:5 - Bhiblia Yo Sawuleka

⁵ Wunene wanu wu na ziwe ngu votshe vathu. Mkoma a hafuhi!

Vafilipiya 4:5 Referans Kwoze

Matewu 6:25

“Ngu toneto, na mi gela ku khani: Mi nga karatekeni ngu sa kuhanya kwanu, asi mi fanelako kudya mwendo asi mi fanelako kusela, hambi ngu si mi fanelako kuambala ha mmidi kwanu. Kasi kuhanya kha ku pindi sakudya kani? Ni wona mmidi ina kha wu nga ni lisima ngutu kupinda sa kuambala kani?

Titosi 3:2

ni ti to kha va nga ni fanelo yo womba kubiha ngu m'thu hambi kuwusa mazunga, aniko va na mahe vathu vavanene, va kombako txithavo ka votshe.

Vahebheru 10:37

Nguko, Mibhalo yi womba tiya: “Ku ngadi sate mbimo ya yidotho, ya yidotho ngutu. Se awule a tako, a na bwaka, kha na mbi swela.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

1 Vakorinto 6:7

Se kuhumelela mazunga hagari kwanu, tikomba ti to kha ditshuri mi ngadi hahatshi. Nji txani mi si tumeliko kudyelelwa kani? Nji txani mi si tumeliko kuluzekelwa kani?

Vahebheru 10:25

Hi nga lekeni misengeletano yathu, nga vamwani va tolovelako kumaha. Aniko ahi laveni tinzila to tsaniselana yotshe mbimo, ngutu-ngutu akuwa mi wonako ditshiku da Mkoma di txi tshuketela.

Mtuletelo 22:7

Jesu a khene: “Wonani, nata konkuwa! A katekile awu a veketako mapswi a kuprofeta ka dibhuku diya.”

1 Vakorinto 8:13

Ngu toneto, ngako sakudya si txi khuvekisa mwanathu, ani kha ni na mbiswa ni txi dya nyama, kasiku ni si khuvekisi mwanathu.

Matewu 6:34

Ngu toneto, mi nga karatekeni ngu sa ditshiku da mangwana, nguko ditshiku da mangwana di na ni sikarato sa dona. Ditshiku ni ditshiku di dinganelwa ngu sikarato sa dona.”

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

1 Pedro 1:11

Vona va wonisisile mbimo ni mamahekelo awa ma nga kombwa ngu Moya wa Kristu, wu wu nga ti navo, awu wu nga ti va profetela, sixaniso sa Kristu, ni kupfaliswa kuwa ku nga ti fanela ku si londisa ngu msana.

1 Vakorinto 9:25

Awule a ti longiselako ku yalwa, wa ti tona so tala, kufela ku e wuyelwa ngu m'bhoti wu wu sinako, aniko athu hi lwela m'bhoti wu wu si siniko.

2 Vatesalonika 2:2

ha mi kombela, ti to mi si kuluveti mi txi dekadekiswa timbiluni kwanu, ti to mi si dhukiswi ngu dipswi da wuprofeti, hambi ngu mawombelo mamwani, mwendo dipswi di di ku ngadi ta ngu kwathu, asi si ndino mi ninga kukholwa ti to ditshiku da Mkoma di hokile.

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

1 Vakorinto 16:22

Awu asi randiko Mkoma a nave kurukwani. Maranatha! Ngono, Mkoma!

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.