Vafilipiya 4:22 - Bhiblia Yo Sawuleka

²² Vasawuleki votshe va mi dingula, ngutu-ngutu ava i ku va nyumba ya Khezari.

Vafilipiya 4:22 Referans Kwoze

Vafilipiya 1:13

Nguko ka yotshe nyumba ya wukoma ni ka otshe mamwani makhalo, mhaka ya kusungwa kwangu ngu mhaka ya Kristu ya ziwa ta tinene.

2 Vakorinto 13:13

Kateko ya Mkoma Jesu Kristu, ni lirando la Txizimu, ni kutshangana ka Moya wo Sawuleka, si nave ni nanu motshenu.

Varoma 16:16

Losanani ngu kupswopswana ko sawuleka. Dingulani otshe mabanza a Kristu.

1 Pedro 5:13

Dibanza di di ku Bhabhilona, da vasawuleki vo fana ni nanu, da mi dingula, kumweko ni mwanana wangu Marku.

Vahebheru 13:24

Dingulani votshe vathangeli vanu. Votshe vasawuleki va mi dingula, ava va kuta ngu Italiya.

Mithumo 9:13

Kambe Ananiya a to xamula, a txi khene: “Mkoma, ni engisile vathu votala, va txi womba-womba ngu m'thu wuwa, ve xawutela wotshe wubihi wu a nga wu maha ka vasawuleki vako va Jerusalema.

3 Johani 1:14

Na themba ti to hi na wonana kunukunuku, se hi nata womba-womba, hi txi wonana khohe ni khohe.

Matewu 5:47

Ngako mi txi losa vananu vokha, nji txani mi txi mahako txo pala vamwani kani? Ina vamatiko kha va ti mahi toneto ni vona kani?

Mithumo 20:38

Va txi mu pswopswa, na va txi karateka ngutu ngu mapswi awa a nga ma womba; a ku khene kha va na mbiswa ve wona kambe khohe yakwe. Msana keto, va to mu heleketa kala kuhoka txitimelani.