Vafilipiya 4:19 - Bhiblia Yo Sawuleka

¹⁹ Txizimu txangu, txi na mi ninga, ngu kutatiseka, sotshe si mi si vilelako, madingano ni kutala ka thomba ya txona ya kuphatima, ngu Kristu Jesu.

Vafilipiya 4:19 Referans Kwoze

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Mika 7:7

Ani koko, ni verela ka Mkoma; ni na verela ka Txizimu txa kuhanyiswa kwangu; Txizimu txangu txi na ni engisa.

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

2 Samuwele 22:7

Na ni di kupandisekani kwangu ni dhani Mkoma, kambe ni dite ka Txizimu txangu; ene a engisile dipswi dangu a di dithepeleni kwakwe, ni kudila kwangu kuhokile tinzeveni kwakwe.

Masalmo 36:8

Ha tsaka ngutu ngu kupfa kukhura ngu sakudya so tala sa nyumbani kwako; awe wa hi ninga kusela mati a mnamboni ka wunene wako,

Vakolosa 1:27

Ka vonavo, Txizimu txi ti lavile kuvaninga kuziva lisima la thomba ni wudhumo wa txona txikungo txiya hagari ka vamatiko: Kristu hagari kwanu i txithembo txa kupfaliswa kwanu.

Vaefesu 3:16

Na kombela ti to ene, madingano ni kupfuna ka wudhumo wakwe, e mi tsanisa timbiluni kwanu, ngu mtamo wa moya wakwe,

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Varoma 8:18

Ngu konaho, ni pimisa ngu kutsanisa ti to sixaniso sa mbimo yiya hi nga sa txilo, kambe kha si fananiswi ni wudhumo wu hi no kombiswa.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Varoma 9:23

Txizimu txi lavile kambe kukombisa kukula ka wudhumo wa txona ka vale txi nga va sawula ngu kale, ngu wumbilu wa txona, kasiku va na ya zumba kutsakani ka txona.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Masalmo 130:7

Israyeli, rinzela Mkoma, nguko Mkoma ana ni wumbilu, wa hi hulukisa ka tiphango to tala.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Vaefesu 2:7

kasi kukombisa ka timbimo ti titako makatekwa a txona a hombe, ngu wunene wu txi nga va nawo ni nathu ngu ka Kristu Jesu.

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

2 Makronika 18:13

Sekoko Mikaya a to khene: Ni xambanya ngu Mkoma a hanyako, na womba totshe tile Txizimu txangu txi no ni ruma kuwomba tona.

Genesisi 48:15

Se Israyeli a to katekisa Josefa, a txi khene: Txizimu txi va nga tsimbila masoni ka txona vatate vangu Abrahamu ni Isaake Txizimu txi i ku m'dyisi wangu kukhukhela ni txi velekwa kala ditshiku da nyamsi,

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

1 Pedro 5:1

Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

1 Vatesalonika 2:12

Ngu toneto, nanathu hi nga ti mi gondisa tona, ni ku mi tsanisa, ni kukhongotela mmweyo ni mmweyo wanu, kasiku mi tsimbila ngu fanelo masoni ka Txizimu, atxi txi nga mi dhanela ka mfumo wa txona ni kupfaliswa ka txona.

Varoma 1:8

Kukhata na bonga Txizimu txangu ngu Jesu Kristu, nguko kukholwa kwanu ka sumwa ngu vathu va dotshe ditiko.

Johani 20:27

Ngu msana a to gela Tomasi, a txi khene: “Tisa litiho lako ahawa, u txi wona manza angu; tshuketisa dianza dako, u txi di beta ha didhawani kwangu, u nga swe kambe u txi ti maha mkaneti, aniko kholwa.”

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Filimoni 1:4

Yotshe mbimo na bonga ka Txizimu txangu, na ni txi kualakanya mikombeloni kwangu.

2 Vakorinto 12:21

Na thava ti to mbimo yi ni no tshumela ni ta kheyo kwanu, Txizimu txi nata ni xowokisa ngu mhaka yanu, se ani ni txi dila ngu mhaka ya vale vavangi, va nga onha kale, va sinziko kuhunduluka ka wubihi, ka wugelegele ni ka manyala ya ti va nga ti maha.

Nehemiya 5:19

Awe Txizimu txangu, ni alakanye ka totshe ti ni mahelako vathu vava.

Matewu 6:32

(Nguko vamatiko ngu vona va karatekako ngu kulava eso simaha). Kasi anu, Tate wanu wa nzumani wa tiziva ta tinene ti to sotsheso sa laveka kwanu.”

Vafilipiya 4:7

Sekoko kuthutha ka Txizimu, kupindako wotshe wuzivi, ku na veketa timbilu tanu ni mialakanyo yanu ngu Kristu Jesu.

2 Makronika 31:8

Ezekhiya ni vathangeli vakwe va tota wona tindunduma, se ve dhumisa Mkoma, ni kubonga va ka Israyeli vathu vakwe.