Vafilipiya 4:14 - Bhiblia Yo Sawuleka

¹⁴ Hambi ti di ngeto, mi mahile ta tinene mi nga patana ni nani kuxanisekani kwangu.

Vafilipiya 4:14 Referans Kwoze

Vahebheru 13:16

Mi nga divaleni kumaha ta tinene, mi txi abana ni vakwanu asi mi ku naso, nguko atiya ngu tona timhamba ti ti tsakisako Txizimu.

Vafilipiya 1:7

Ti lulamile ngako ni txi alakanya toneto ngu mhaka yanu motshe, nguko nina ni nanu mbiluni kwangu, nguko mi patani ni nani ka kateko yangu, amu kusungwani kwangu, kumweko ni mu ka kulwela ni kutsanisa Evhangeli.

Vahebheru 10:34

Nguko, anu mi pfite kuxaniseka ngu vale va nga ti mikorani, mi tumete ngu kutsaka ve mi tekela simaha sanu, ngukuva mi ti ti kholwa ngu kutsana ti to mi na mana thomba ya tshuko ni yo mbina magwito.

Vagalatiya 6:6

Awule a gondiswako Dipswi, a na abane ni m'gondisi wakwe sotshe sa sinene si a ku naso.

1 Vafumeli 8:18

Kambe Mkoma a ti khene ka tate wangu Dhavhidha: Ngako u nga alakanya mbiluni kwako kuakela nyumba ditina dangu, u mahile kwati u nga alakanya mbiluni kwako.

1 Timoti 6:18

Va na mahe wunene, va nave vanyatithombe ngu mithumo, va nave ni wuha, ve ziva kuabana ni vamwani.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Matewu 25:21

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Varoma 15:27

Va mahile ngu kuranda, ina, aniko i ti ku va tshungula, nguko vamatiko, ngako va di vhunwi ngu vona moyani, ni vona va fanete ku va tshungula ngu tithomba tawe ta ha mafuni.

2 Makronika 6:8

Hambiko Mkoma a ti khene ka tate wangu Dhavhidha: Ngako u nga alakanya mbiluni kwako kuakela nyumba ditina dangu, u mahile tona u nga alakanya eto mbiluni kwako.

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Vahebheru 10:33

Ka timwani timbimo, i ti anu mi nga ti tseketselwa masoni ka vathu, mi txi ruketelwa ni kuxaniswa; kambe ka timwani timbimo, mi xanisekile kumweko ni vale va nga ti ka sixaniso so nga toneto.