Vafilipiya 4:11 - Bhiblia Yo Sawuleka

¹¹ Kha ni wombi tiya ngu mhaka ya kuhenya, nguko ni gondile kutsaka ngu tihi ni tihi ni manekako ni di ka tona.

Vafilipiya 4:11 Referans Kwoze

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

2 Vakorinto 9:8

Txizimu txa sikota ku mi andisela otshe makatekwa, kasiku mi txi mana asi si lavekako yotshe mbimo ni ka sotshe simaha, ni kutshumela si txi sala kufela ku mi txi maha ngu sona yotshe mithumo ya yinene,

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Vahebheru 10:34

Nguko, anu mi pfite kuxaniseka ngu vale va nga ti mikorani, mi tumete ngu kutsaka ve mi tekela simaha sanu, ngukuva mi ti ti kholwa ngu kutsana ti to mi na mana thomba ya tshuko ni yo mbina magwito.

2 Vakorinto 11:27

Simwani kambe; mikaralo ni mithumo yo nemela, kupilela masiku amangi, nzala ni ditora, kuzumba ni si dyi txilo masiku amangi, pheho ni wusakato.

Luka 3:14

Masotxhwa ni ona ma to mu wotisa ma txi kha ona: “Athu-ko, hi fanete kumaha txani, kani?” Ene a to xamula a txi khene: “Mi nga thumiseni wurena ka si i ku sa vane, mi nga mangaleleni m'thu hahanze ka mnandu, kambe tumelani kuenelelwa dwe ngu muholo wanu.”

Genesisi 28:20

Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Eksodha 2:21

Mosi a to tumela kuzumba m'tini ka Jetro, awu a nga ninga Mosi, Zipora, mwanana wakwe wa dihorana kasiku e tekana nayo.