Vafilipiya 3:8 - Bhiblia Yo Sawuleka

⁸ Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Vafilipiya 3:8 Referans Kwoze

Varoma 8:18

Ngu konaho, ni pimisa ngu kutsanisa ti to sixaniso sa mbimo yiya hi nga sa txilo, kambe kha si fananiswi ni wudhumo wu hi no kombiswa.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Vafilipiya 3:7

Asi i nga ti dibhindu, kwangu, ni si woni si si vhuni txilo ngu mhaka ya Kristu.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Vafilipiya 3:10

Ngu kota yeto, ni na sikota ku m'ziva, ene ni mtamo wa kuwuka kwakwe, ni txi sengela nayo kuxanisekani kwakwe, ni txi dinganiswa nayo kufani kwakwe,

2 Pedro 1:3

Mtamo wa wuzimu wakwe wu hi ningile sotshe si si lavekako ka wutomi ni wukhongeli ngu ku hi ninga kateko ya kuziva awule a nga hi dhana, ngu kupfaliswa kwakwe ni mtamo wakwe;

1 Vakorinto 2:2

Ni pimisile ti to kha txi nga ho tximwani ni txi zivako hagari kwanu, hahanze ka Jesu Kristu, awu a nga gogotelwa ha txihambanoni.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Johani 17:8

Nguko ni va ningile mapswi awa awe u nga ni ninga, se vona va ma amukete; va tiziva ngu ditshuri ti to ni ta ngu kwako, kambe va tumela ti to ngawe u nga ni ruma.

Johani 14:20

Ka donedo ditshiku mi nata tiziva ti to ni ka Tate wangu, ni ti to anu mi kwangu, ani nani ni kwanu.

Vahebheru 3:14

Nguko, hi vamwevo ni Kristu, ngako hi txi vekisa ngu kutsana kala magwito kuthemba kwathu, aku hi nga va nako kukhatani,

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Johani 14:7

Idiku anu mo ni ziva, nga mi ndi na m'ziva ni Tate wangu; kukhukhela ka konkuwa, ma m'ziva, kambe mi mu woni.”

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Vaefesu 4:13

kala kuza hotshe hi mana wumwewo wa likholo ni wuzivi wa kuhetiseka wa Mwanana wa Txizimu, ni wuthu wa kuhetiseka madingano ni mpimo wa txiemo txa kuhetiseka txa Kristu.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

1 Johani 1:3

ati hi nga ti wona ni ku tiengisa, ngu toneto hi mi zivisako tona nanu, kasi ku nanu mi maha vamwevo ni nathu. Se wumwewo wathu wu hi tshanganisa ni Tate ni Mwanana wakwe Jesu Kristu.

2 Timoti 4:6

Nguko ani se ni hafuhi ni kuningelwa nga mhamba ya kubhawa; txikhati txa kurura kwangu txi hokile.

Johani 20:28

Se Tomasi a to khene: “Mkoma wangu ni Txizimu txangu!”

Johani 16:3

Va na mi maha totshe tiya, nguko kha va m'ziva Tate ni nani.

Masalmo 126:6

Va tsute va txi dila kuya phaya mbewu, aniko va na wuya va txi embelela ngu kutsaka, na va di rwate tinyanda tawe ta mitxelo.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

1 Pedro 2:7

Ngu toneto, mi katekile anu mi kholwako, aniko, ka vale va si kholwiko; dirigwi di vaaki va ngadi nyenya, di mahile dirigwi da hombe do tsanisa.

Vagalatiya 1:16

mbimo yoneyo ti nga tsakisa Txizimu ku ni tulela kuziva Mwanana wa txona, kasiku ni mpfalisa hagari ka vamatiko, kha na wotisa m'thu,

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

1 Vakorinto 9:10

Ina txona kha txi ti wombeli athu vathu, kani? Im! Atiya ti bhatwe ngu kota yathu. Nguko awu a dimako a fanela kudima ni txithembo, awu a hulako, a hula na a txi themba kumana txhatxhazelo.

Johani 20:13

Ti wombile kwakwe ti txi kha tona: “Wamsikati, u dilela txani kani?” Ene a to khene ka tona: “Nguko va thavisile Mkoma wangu, se kha ni kuzivi amu va nga mu veka kona.”

Luka 11:20

Kambe ngako ni txi tovela madhimoni ngu litiho la Txizimu, kha ditshuri Mfumo wa Txizimu wu hokile kwanu.

Mitengo 14:30

Lambi, kha mi na mbi wulela ka ditiko di ni nga xambanya ti to mi aka ka dona; hahanze ka Kalebhi mwana Jefoni, ni Joxuwa, mwana wa Nuni.

Luka 1:43

Se ti khukhela hani ti to teka ani ni ta dingulwa ngu Mame wa Mkoma wangu kani?

Malakiya 2:3

Wonani taku ni na sinisa timbewu tanu, ni mi thela ngu mswanye tikhoheni kwanu, mswanye wa mibuso yanu; se mi na tshotshwa kumweko nawo.

Jobe 20:7

a na lova kufana ni mitximba yakwe apune, ngu ha ku si gwitiko; se ni vale va nga ti ti mu wona va na kha vona: Ahayi kani?

2 Vafumeli 9:37

Se txirumbi txa Jezabheli txi na nga sinoniso amu thembweni, ka wukhalo wa wudotho wa Jezireyeli, ti si koteki ku m'ziva taku awuwa i Jezabheli.

1 Vafumeli 14:10

se ni na tisa dikhombo nyumbani ka Jerobhowamu, se ni na va abanisa kukhukhela ka wamwamna kala ka mfana, hagari ka txikarawa ni wo txhatxheka amu Israyeli, se ni na tshotsha hahanze liveleko la nyumba ya Jerobhowamu, nga tile si tshotshiswako tona sinoniso, kala ku va heta votshe.

Masalmo 73:25

I mani ni ku nayo nzumani, hahanze kwako kani? Ha mafuni ani ni navela kuzumba ni nawe dwe.

Varoma 8:39

hambi mitamo ya txitimwi, hambi kudemba ka nzuma, hambi kuhokoma, hambi txivangwa txihi ni txihi, kha txi na mbi sikota ku hi hambanisa ni lirando la Txizimu, li nga kombekiswa ngu Kristu Jesu Mkoma wathu.

Vafilipiya 1:1

Paulo ni Timoti, sithumi sa Jesu Kristu, hi bhalela va va nga sawuleka ngu ka Kristu Jesu, va ku Filipiya, kumweko ni vabhixopo ni vadhiyakoni vawe.

Vafilipiya 3:12

Hi nga ti to ni hetile mthumo, mwendo kumana wusawuleki, aniko na khutala ni txi ya masoni ka nzila yangu, kasiku mwendo ni nga mana kuhetiseka, nga ti nani ni nga manwa ngu Kristu Jesu.

2 Pedro 1:2

Makatekwa ni kudikha si nave ni nanu ngu kutala ka sona, ngu konaho ka wuzivi wa Txizimu, ni Jesu, Mkoma wathu.

2 Pedro 1:8

Nguko, yotshe mitamo yiya, yi txi maneka kwanu ngu kutala ka yona, kha yi na mbi mi leka mi di mikara mwendo sifule amu ka kuziva Jesu Kristu Mkoma wathu.