Vafilipiya 3:21 - Bhiblia Yo Sawuleka

²¹ Ene a na phindula mmidi wathu wa wusiwana, a txi wu maha wu txi fanana ni mmidi wakwe wa wudhumo, a txi wu ninga mtamo wo fana ni wule ene a fumako ngu wona sotshe simaha.

Vafilipiya 3:21 Referans Kwoze

Vakolosa 3:4

Se Kristu, Ene i ku wutomi wanu, mbimo yi a nota ti wonekisa, na nanu mi nata humelela kumweko nayo kuwonekelani ka kupfaliswa.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Isaya 26:19

Vafi vako va na hanya, vafi vako va na wuka; vhumukani, kambe giyani, anu mi zumbako lithuluni, nguko mwando wako, awe Txizimu, wu na fana ni mwando wa mwasi, se mafu ma na tshotsha mapune vafi.

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Matewu 17:2

Se konaho a to phinduka masoni kwawe: Khohe yakwe yi phatima kufana ni ditambo, ni tinguwo takwe ti hinduka ti txi basa kufana ni liwoningo.

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.

Matewu 22:29

Jesu a to va xamula a txi khene: “Mi timete ngutu, nguko kha mi yi zivi Mibhalo ni mtamo wa Txizimu.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Ndando ya Tindando 1:11

Hi na ku mahela liketani la nzalama, li ku ni sipikiryana sa silivhela.