Vafilipiya 3:18 - Bhiblia Yo Sawuleka

¹⁸ Nguko vaho vavangi, ava va hanyako kota nga valala va txihambano txa Kristu. Ni bhulisanile ni nanu sikhati sasingi ngu vona, se konakuwa ni womba-womba ni txi dila.

Vafilipiya 3:18 Referans Kwoze

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

Isaya 8:11

Nguko Mkoma a wombile kwangu ngu dianza dakwe da mtamo, kambe a ni gondisile ku ni si tsimbili ngu nzila ya vathu vava, a txi khene:

Vagalatiya 6:12

Avale va lavako ku ti maha vavanene masoni ka vathu, evo ngu vona va mi kurumetako kuyiswa wukwerani. Va maha eto kufela ku va si xaniswi ngu mhaka ya txihambano txa Kristu;

Vagalatiya 2:14

Kambe mbimo yi ni nga ti wona ti to se kha va tsimbili ngu nzila yo lulama, madingano ni ditshuri da Evhangeli, ni gete Khefasi masoni ka votshe vathu, ni txi khani: “Ngako awe u ku Mujudha u hanyisako ku nga wa matiko, u si hanyisiko txijudha, u na sikotisa kutxani kukurumeta vamatiko kuve hanyisa txijudha, kani?”

Vagalatiya 1:7

Kha yi nga ho yimwani Evhangeli. Atxi txi kuho ngu vale va vhinganyiselako mapimo anu, va zamako kusoholota Evhangeli ya Kristu.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

2 Pedro 2:10

ngutu-ngutu avale va londetelako kunavela ka nzambwa, va txi ti ningela ka minavelo yo nyenyeza, va txi eyisa ni wuhi wukoma. Vathuvo va ti themba ngutu, va ti kukumukisa, kha va thavi kuruketela sivangwa so sawuleka sa txitimwi.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Vafilipiya 1:4

Yotshe mbimo, ka mikombelo yangu, na mi khongelela motshenu ngu kutsaka,

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

Vagalatiya 2:21

Ani kha ni thavisi lisima la kateko ya Txizimu; nguko idiku ni mana wululami ngu mtamo wa Mlayo, lifo la Kristu li ndi nava la mahala.

2 Vakorinto 11:29

I mani a ku ni dikhodho, na ani ni si nga nado kani? I mani a khuvekiswako, na ani ni si pfi kupandiseka kani?

2 Vakorinto 11:13

Vathu vo ngeto mbapostoli va makuhu, nzithumi so kanganyisa. Va ambala madhowo o zama ku ti maha vapostoli va Kristu.

2 Vakorinto 2:4

Ngu toneto, ni mi bhalela ni di hagari ka sikarato sa hombe, na mbilu yi txi pandiseka, ni txi dila mirongo yayingi, i si nga kufela ku mi thela dikhodho, aniko ngu ti taku mi fela kuziva lirando la hombe ngutu li ni mi randako ngu lona.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

1 Vakorinto 1:18

Nguko wuzivi wa txihambano mbuhundwa ka va va lovako, aniko txona i mtamo wa Txizimu ka va va hanyiswako, i ku athu,

Varoma 9:2

Na pfa kuxaniseka ka hombe ni kupandiseka ko mbi guma mbiluni kwangu.

Luka 19:41

Ngako a di hafuhi, a to wona didhoropa e di dilela.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Judha 1:13

i mavimbi o leva a linene; mithumo yawe ya tingana yi pupuma nga diphutu; ndinyeleti to pepuka ati ti nga lulamiselwa txidema txa hombe txo mbi na magwito.

2 Vatesalonika 3:11

Se hi ti pfite ti to hagari kwanu, ku ni vathu va hanyelo ya ku ti hunda, ava va ti ningetelako ka so mbi nyawula, va txi leka kuthuma.

Mithumo 20:19

Ni thumete Mkoma ngu kutiveka hahatshi ni kudila mirongo ni siduko si si nga ni humelela, si txi wuswa ngu mazunga a Vajudha.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

Vagalatiya 6:14

I di ani, ti nave kule ni nani ku ti dhumisa ngu txilo tximwani, hahanze ka txihambano txa Mkoma Wathu Jesu Kristu. Kunene, ngu mhaka ya txihambano, kwangu, ditiko di bethetwe ha txihambanoni.

Levhi 11:16

mbuwu, dikolekole, tshamani, ni totshe tixaka ta minguvi,

Levhi 13:8

Ngako mphaxeli a txi wona ti to kha ditshuri dithanzi di endelekile ha mmidi kwakwe, a na m'gela a txi khene kha basa; ana ni tshekela.