Vafilipiya 3:17 - Bhiblia Yo Sawuleka

¹⁷ Vanathu, ti maheni vaeteteli vangu, mi txi wonisisa kha kwati avale va hanyisako ti mi ti wonako kwathu.

Vafilipiya 3:17 Referans Kwoze

Vafilipiya 4:9

Ati mi nga gonda ni ti mi nga ti amukela, ati mi nga tiengisa, ni ti mi nga ti wona kwangu, ngu ti mi fanelako ku ti maha. Txizimu txa kudikha txi nave ni nanu.

1 Vakorinto 4:16

Ngu toneto, na mi kombela ti to mi va vaeteteli vangu.

1 Pedro 5:3

mi si ti mahi ku nga vafumeli txitimwi ka vale mi nga vekelwa, aniko ti maheni vakombisi va nzila ya yinene ka mtxhambi wanu.

2 Vatesalonika 3:9

Na i si nga ti to kha hi nga ni fanelo yeto, aniko hi mahisile tiya, kasi ku mi vekela txikombiso.

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

1 Timoti 4:12

Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

2 Vatesalonika 3:7

Anu ma tiziva ati mi fanelako ku ti maha, kasi kulondetela ati athu hi hanyisako tona.

1 Vakorinto 10:32

Mi nga maheni txionho txo humba Vajudha, mwendo Vagriki, mwendo va Dibanza da Txizimu.

2 Vatesalonika 3:14

Ngako m'thu a txi kanyisa ati hi bhalako ka dipapilo diya, muwonisiseni, mi nga khataleni txilo ngu ngene, kasiku a na wiswa tingana.

1 Vatesalonika 1:6

Se na nanu mi ti mahile vaeteteli vathu ni va Mkoma, ngu ku mi nga amukela dipswi hagari ka kuxaniseka ka hombe, na mi txi tsaka ngu litsako la Moya wo Sawuleka;

Varoma 16:17

Se na mi kombela ti to mi ti wonela ka va va wusako kuhambana, ni sikhuvekiso, ve tsulupeta gondo yi mi nga gondiswa yona; mi nga pataneni navo.

Masalmo 37:37

Wona m'thu wo thaviseka, wonisisa m'thu wo lulama; m'thu wo dikha a na va ni vatukulu.

1 Vakorinto 11:1

Mahani vaeteteli vangu, kufana ni nani ni ku mueteteli wa Kristu.