Vafilipiya 3:12 - Bhiblia Yo Sawuleka

¹² Hi nga ti to ni hetile mthumo, mwendo kumana wusawuleki, aniko na khutala ni txi ya masoni ka nzila yangu, kasiku mwendo ni nga mana kuhetiseka, nga ti nani ni nga manwa ngu Kristu Jesu.

Vafilipiya 3:12 Referans Kwoze

Masalmo 138:8

Mkoma ana ni txhukwatisela ati ti ni dinganako! Awe Mkoma, lirando lako nda kala kupinduka; U nga leke ha mpfhukani mthumo wa manza ako.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Vaefesu 1:4

Ngu kota yakwe, Txizimu txi hi sawute, di sinzi kumahwa ditiko, kasi ku hi txi mana wululami wa lirando ni kuzumba hi si nga ni txisolo masoni ka txona.

Vafilipiya 3:16

Hambi i di keto, ka ti hi nga hoka ka tona, he simamiseni hi tsimbila ngu nzila yimweyo.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Jakobe 3:2

Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

Vagalatiya 5:17

Nguko nyama yina ni minavelo yo hambana ni Moya; Moya ni wona wuna ni minavelo yo hambana ni nyama. Asiya sa simbidi sa bangana, kasiku mi si mahi kuranda kwanu.

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

2 Vatesalonika 2:13

Kasi i di athu, hi fanete kubonga Txizimu yotshe mbimo ngu kota yanu, vanathu, mi randwako ngu Mkoma, nguko Txizimu txi mi sawute kukhukhela makhatoni, kasiku mi txi huluswa ngu Moya wu wu basisako, ni kukholwa ka ditshuri.

Vaefesu 4:12

kasi kuvhuna vasawuleki, ti to ve sikota kuthumela vamwani, ve aka mmidi wa Kristu,

2 Vakorinto 13:9

Athu ha tsaka ngako hi di va dikhodho, kasi anu mi di va mtamo. Ati hi mi kombelako ngu tona ngu ti to mi va vo hetiseka.

1 Vakorinto 13:10

Kasi mbimo yi si nota asi i ku sa kuhetiseka, asile i ku sa ku ambi hetiseka si na fuviswa.

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Masalmo 119:5

Ani na ti dhunda ngutu kuzumba ni di tsani nzilani ko thembeka, ni xayisa milayo yako!

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Masalmo 63:8

Moya wangu wu patanile ni nawe, se dianza dako da ni tsanisa.

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

1 Timoti 6:19

Va txi mahisa eto, va na va va txi ti vekela txuma txo tshura, txo tsana, txa mbimo yi yi tako, kasiku ve mana wutomi wa ditshuri.

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

Masalmo 94:15

Ku na tshumela kumahwa kulamula ko lulama votshe vathu vo lulama timbilu va na kulondeta.

Vahebheru 12:23

Anu mi tshuketete ka Dibanza da vanana va matiwula, ava matina awe ma nga bhalwa nzumani, ni ka Txizimu Mlamuli wa votshe, ni ka mimoya ya valulami va va nga hoka kuhetisekani;

Masalmo 42:1

Kufana ni mhuti yo pfa ditora yi tutumelako mnamboni, nanani na kuxuva, awe Txizimu txangu.

Matewu 5:48

Ngu kota yeto, mahani vo hetiseka nga ti nene Tate wanu wa nzumani i ku wo hetiseka.”

Varoma 8:39

hambi mitamo ya txitimwi, hambi kudemba ka nzuma, hambi kuhokoma, hambi txivangwa txihi ni txihi, kha txi na mbi sikota ku hi hambanisa ni lirando la Txizimu, li nga kombekiswa ngu Kristu Jesu Mkoma wathu.

1 Vakorinto 9:24

Ina kha mi tizivi ti to ava va mahako mapalisana a livilo ha mthandani, votshe va tutuma, kambe i mmweyo dwe a wuyelwako ngu txhatxhazelo, kani? Nananu tutumisani toneto, kasiku mi na mana kufuhwa.

1 Vakorinto 13:12

Nguko, konkuwa, so maha hi si wonela kule kota nga kule ka kulavetetela ngu txibuko. Kambe ka yoneyo mbimo, ku nata va kuwonana ka khohe ni khohe. Konkuwa, na ziva ka kudotho, kambe ka yoneyo mbimo, ni nata ziva nga ti nanani ni ziviswako tona ngu Txizimu.

Vafilipiya 1:1

Paulo ni Timoti, sithumi sa Jesu Kristu, hi bhalela va va nga sawuleka ngu ka Kristu Jesu, va ku Filipiya, kumweko ni vabhixopo ni vadhiyakoni vawe.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;