Vafilipiya 3:10 - Bhiblia Yo Sawuleka

¹⁰ Ngu kota yeto, ni na sikota ku m'ziva, ene ni mtamo wa kuwuka kwakwe, ni txi sengela nayo kuxanisekani kwakwe, ni txi dinganiswa nayo kufani kwakwe,

Vafilipiya 3:10 Referans Kwoze

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Varoma 8:17

Se ngako hi di vanana, ha fanelwa kambe ngu kudya thomba: Hi vadyi va thomba ya Txizimu, hi vadyi va yona kumweko ni Kristu, nguko akuwa hi xanisekako kumweko nayo, tikomba ti to kha ditshuri hi na dhumiswa kumweko nayo kambe.

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

1 Johani 2:3

Hi komba ti to ha m'ziva Tate, ngako hi txi veketa milayo yakwe.

Vakolosa 3:1

Ngako mi di wukile ka vo fa kumweko ni Kristu, lavani asi i ku sa txitimwi, ahawa a zumbako kona Kristu, awu a nga khalahatsha txineneni ka Txizimu.

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

2 Vakorinto 1:5

Nguko, ngako sixaniso sa Kristu si hi talelako, ngu toneto, thavelelo yathu ni yona ya engeteleka ngu kota yakwe Kristu.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

2 Vakorinto 13:4

Ngu ditshuri, a gogotetwe ha txihambanoni a di ni dikhodho, aniko wa hanya ngu mtamo wa Txizimu. Nanathu hi ni dikhodho kwakwe, aniko hi na hanya kumweko nayo ngu mtamo wa Txizimu hagari kwanu.

1 Johani 2:5

Aniko ni wuhi a veketako dipswi dakwe, kha ditshuri lirando la Txizimu li hetisekile kwakwe; ngu tona tiya ni ti zivisako tona ti to hi ka Txizimu.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Vakolosa 2:13

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu;

Vaefesu 4:13

kala kuza hotshe hi mana wumwewo wa likholo ni wuzivi wa kuhetiseka wa Mwanana wa Txizimu, ni wuthu wa kuhetiseka madingano ni mpimo wa txiemo txa kuhetiseka txa Kristu.

2 Vakorinto 1:10

I ku txona txi nga hi hulukisa, ngu txona kambe txi no hi hulukisa ka phango ya hombe ya lifo; ka txona hi vekile themba yiyo, txi na hi hulukisa yotshe mbimo.

Johani 10:18

Ku walo m'thu wu a ni tekelako wutomi, aniko ngani ngu kuranda kwangu ni wu ningelako. Nina ni mtamo wa ku wu ningela, kambe ni na ni mtamo wa kutshumela ni txi wu mana. Awuwa ngu wona mlayo wu ni nga ningwa ngu Tate wangu.”

Matewu 20:23

Ene a to khene kwakwe: “Ina, mi na sela digombe dangu. Aniko kukhalahatsha txineneni kwangu mwendo txibhabha kwangu, kha ti nga mtamoni kwangu; aniko ti na mahelwa avale Tate wangu a nga va lulamisela.”

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Varoma 8:36

Nga ti ti nga bhalwa taku: “Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”

Vagalatiya 6:17

Kukhukhela konkuwa, m'thu a nga thuke a txi ni karata, nguko ha mmidi kwangu, nina ni timbirimbi ta silonda si ni nga si mana ngu mhaka ya Jesu.

2 Pedro 1:13

I fanelo yangu, ni di ngadi ni txi hanya ka ditenda diya da ha mafuni ku mi wusa, kasi ku mi zumba mi txi wonelela.