Vafilipiya 2:9 - Bhiblia Yo Sawuleka

⁹ Ngu toneto, Txizimu txi mu guletile ngutu, txi mninga ditina di di ku txitimwi ka otshe matina;

Vafilipiya 2:9 Referans Kwoze

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vahebheru 2:9

Jesu wu a nga vekwa hahatshi ka tingelozi ngu txikhatinyana txa txidotho, ha mu wona na a di vekilwe m'bhoti wa kupfaliswa ni kudhumiswa, ngu mhaka ya sixaniso sa lifo. Kunene, ene ngu mtamo wa kateko ya Txizimu, a dukile lifo, kasiku a txi hanyisa votshe vathu.

Isaya 52:13

“Wonani taku, txithumi txangu txi na maha ngu wunene; txi na kuliswa, ni kuguletwa, ni kuthaviseka ngutu.”

Mtuletelo 5:12

Tona ti wombile ngu dipswi da hombe ti txi kha tona: “Txinvutana txi txi nga bhaywa txi ni fanelo ya kuamukela Wukoma, thomba, wuzivi, mtamo, ni wudhumo, kupfaliswa ni kubongwa.”

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Vahebheru 1:4

Mwanana mbwa hombe ngutu kupinda tingelozi, Txizimu txi mningile ditina da hombe, kupinda tona.

Masalmo 89:27

“Ani ni na mninga tifanelo ta mwanana wa matiwula; a na fuma txitimwi ka vafumeli va ditiko.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Johani 17:5

Se konkuwa, ni dhumise, awe Tata, masoni kwako, ngu wudhumo wule ni nga ti nawo, kumweko ni nawe, na ditiko di sanzi kumahwa.”

Masalmo 110:5

Mkoma a maneka txineneni kwako; ngako ene a txi henya, a na ganyatela vafumeli.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Luka 10:22

Sotshe ni ningilwe ngu Tate; se kha nga ho wu a zivako ku Mwanana i mani hahanze ka Tate ekha, ni ku Tate i mani, hahanze ka Mwanana ekha, ni wule ene Mwanana a lavako ku mu wonekisa kwakwe.”

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Masalmo 91:14

Nguko Txizimu txi kha txona: “Ni na hulukisa vale va ni randako, ni na va vhikela, nguko va ni ziva ti to ni Mkoma.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

2 Pedro 1:17

Nguko, ene a amukete manzani ka Txizimu Tate, wudhumo ni kupfaliswa, mbimo yi di nga ta dipswi ngu kuphatimani ko xamalisa di txi ta kha dona: “Awuwa i Mwanana wangu wo randeka ngutu, awu ni tsakiswako ngutu ngu ngene.”

Vakolosa 1:18

Ene i Msungo wa Dibanza i ku Mmidi wakwe. Ene i makhato, i matiwula a votshe vava va wukako ngu ka vafi; ngu toneto a mani wuthangeli ka sotshe simaha.

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Johani 13:3

Se, kota nga ti Ene Jesu a nga txi tiziva ti to Tate a mu ningile sotshe manzani kwakwe, ni kuziva ti to Ene a ta ngu ka Txizimu, kambe a na tshumela e tsula ka txona Txizimu,

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Johani 17:11

Ani kha ni nga ngadi ha ditikoni, kambe vona va ngadi sate ha ditikoni, se ani ni ta kwako. Tate wa kusawuleka, va xayise ditinani kwako, ava u nga ni ninga, kasiku va na maha mmweyo, nga athu hi ku mmweyo.

Johani 17:12

Ni di ngadi navo ha mafuni, ni ti va xayisa ditinani kwako. Ni va xayisile ava u nga ni ninga; se kha ku nga ho ni wammweyo a nga lova, i si nga ene mwanana wa kulova, kufela ku Mibhalo yi tatiseka.

Vaefesu 1:10

ati ti nga ti fanela kumaheka kutatisekani ka mbimo: Ti to txi tshanganisa Mfumoni ka Kristu sotshe si si ku nzumani ni si si ku ha mafuni.

2 Vatesalonika 1:12

Ngu nzileyo, ditina da Mkoma wathu Jesu Kristu di na dhumiswa kwanu, na nanu mi na dhumiswa, madingano ni kateko ya Txizimu txathu, ni ya Mkoma Jesu Kristu.

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

3 Johani 1:7

nguko vona va tekile dipfhumba diya ngu ditina da Txizimu, va si tumeli kuamukela txilo ka vamatiko.