Vafilipiya 2:4 - Bhiblia Yo Sawuleka

⁴ Kha kulaveki ti to mmwani ni mmwani a txi khatalela si i ku sakwe dwe, aniko mmwani ni mmwani a na khatalele ni sa vamwani.

Vafilipiya 2:4 Referans Kwoze

1 Vakorinto 10:24

M'thu a nga lave asi si vhunako ene, a na lave asi si vhunako vamwani.

Varoma 15:1

Athu hi ku ni mtamo, hi fanete kurwala kutandeka ka va va ku si nga ni mtamo, hi si lavi asi si tsakisako wutumbu wathu dwe.

Jakobe 2:8

Ngu toneto, ngako mi txi veketa mlayo wu i ku wa hombe ka yotshe, madingano ni Mibhalo yi yi ku kha yona: “U na randa muakelani nga ti u ti randisako tona,” eho mi maha ta tinene.

Varoma 12:15

Tsakani ni va va tsakako, mi txi dila ni va va dilako

2 Vakorinto 11:29

I mani a ku ni dikhodho, na ani ni si nga nado kani? I mani a khuvekiswako, na ani ni si pfi kupandiseka kani?

Matewu 18:6

“Aniko awu a no khuvekisa mmweyo ka vava vavadotho va tumelako kwangu, ti nga va i di txhuko ti to txiwindi txa kukhurula txi sungelelwa thamoni kwakwe, a txi rinzwa txizivani ka linene.

2 Vakorinto 6:3

Kha hi lavi kukhuvekisa m'thu ni wammweyo kufela ku mthumo wathu wu si solwi.

Vafilipiya 2:21

Votshe va khatalela wutomi wawe, i si nga timhaka ta Jesu Kristu.

Mitengo 32:6

Aniko Mosi a to wotisa vanana va Gadhi ni vanana va Rubheni, a txi khene: Vananu va na tsula kulwani, se anu mi lava kuzumba hawa kani?

Esteri 2:22

Kambe mhaka yi to ziwa ngu Mordhekayi, se ene eya gela mfumeli wa txisikati Esteri, Esteri a to ya zivisa mfumeli, ngu ditina da Mordhekayi.