Vafilipiya 2:25 - Bhiblia Yo Sawuleka

²⁵ Konkuwa ni woni ku ta laveka ni txi mi rumela Epafrodhito, mwanathu, txithumi kulothu ni disotxhwa kulothu, awu i ku txirumwa txanu txa kuta ni vhuna ka si ni si pwatako.

Vafilipiya 2:25 Referans Kwoze

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Vakolosa 1:7

Mi gondisilwe ngu Epafrasi, mngana wathu ni txithumi kulothu, awu a hi vhunako nga txithumi txo thembeka txa Kristu;

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

1 Vakorinto 3:9

Kha ditshuri, athu hi vavhuneteli va Txizimu, anu mi wudimi wa Txizimu, mi Nyumba ya Txizimu.

Filimoni 1:24

Kumweko ni Marku ni Aristarkusi, ni Dhemasi ni Luka, sithumi kulothi.

Mavingu 25:13

Awule a wombako ditshuri di a nga rumwa; a fana ni kutitila ka hunguva ya mbimo yo elula, nguko a tsakisa dihika da nyamne wakwe.

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

1 Vatesalonika 3:2

Hi rumela Timoti mwanathu ni txithumi txa Txizimu, txa kuthumela Evhangeli ya Kristu, kasiku a txi ta mi tsanisa ni ku mi ninga mtamo amu ka likholo lanu.

Vakolosa 4:11

Jesu, awu a dhanwako ku i Justo, wa mi dingula nene. Ava va nga ya wukwerani, ngu vona vava dwe va thumako kumweko ni nani, ka mthumo wa mfumo wa Txizimu; ngu vona va ni thavelelako.

2 Vakorinto 2:13

Hambi keto, ani ni ti pandisekile ngutu nguko kha na sikota kumana ni mwanathu Titosi. Ngu toneto, ani ni va satisile ni txi teka nzila ya kuya Makedhoniya.

Johani 17:18

Ngako u nga ni ruma ha ditikoni, nanani ni va rumile ha ditikoni.

Johani 13:16

Ngu ditshuri, ngu ditshuri na mi gela ku khani: Txithumi hi nga txa hombe ka mkoma wa txona; ni txirumwa hi nga txa hombe ka wule a nga txi ruma.

Varoma 16:3

Ni dinguleleni Priskila ni Akila, sithumi kulothi ngu ka Kristu Jesu;

Varoma 16:9

Dingulani Urbhanu, txithumi kulothu ngu ka Kristu, ni Estaku, txirandwa txangu.

Vafilipiya 2:26

Ene wa vilela ku mi wona motshe, kambe wa karateka ngu ku mi nga engisa ti to a ti lwala.