Vafilipiya 2:21 - Bhiblia Yo Sawuleka

²¹ Votshe va khatalela wutomi wawe, i si nga timhaka ta Jesu Kristu.

Vafilipiya 2:21 Referans Kwoze

1 Vakorinto 10:24

M'thu a nga lave asi si vhunako ene, a na lave asi si vhunako vamwani.

Matewu 16:24

Sekoko konaho, Jesu a to gela vagondiswa vakwe a txi khene: “Ngako m'thu a txi lava ku ni londisa, a na ti leke, e pakata txihambano txakwe, a txi ni londisa.

Vafilipiya 2:4

Kha kulaveki ti to mmwani ni mmwani a txi khatalela si i ku sakwe dwe, aniko mmwani ni mmwani a na khatalele ni sa vamwani.

2 Timoti 3:2

Nguko vathu va na va vo ti randa vapune, vanyatimbiti, va ku ti mahisa, va kutikulisa, varuketeli, vaeyisi va vaveleki, vo mbi ziva kubonga, va vo mbi khongela,

1 Vakorinto 10:33

Gondani ngu ngani, ni zamako kutsakisa votshe ka sotshe, na i si nga to lava ku ti vhuna ani nipune, aniko ngu kulava kuvhuna vavangi, kasi kuve mana kuhanyiswa.

1 Vakorinto 13:5

lirando kha li mahi ati ti si nga ni sigelo, lirando kha li ti laveli sa lona, kha li kwati, kha li na txiviti.

Luka 14:26

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

Isaya 56:11

Se timbwa tiya nda limito, kha ti na kukhura; vona mbadyisi vo mbi pima txilo; votshe va tshumelela tinzilani kwawe, mmweyo ni mmweyo ka matshanza akwe, mmweyo ni mmweyo ngu dakwe didhawa.

2 Timoti 4:10

Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya.

2 Vakorinto 1:5

Nguko, ngako sixaniso sa Kristu si hi talelako, ngu toneto, thavelelo yathu ni yona ya engeteleka ngu kota yakwe Kristu.

2 Timoti 4:16

Kutiangulelani kwangu ko khata, kuwalo ni wammweyo a nga ni emela, votshe va ni lekile ha mpfhukani. Kambe va nga thuke va txi ningwa mnandu ka mhaka yiya.

Mithumo 15:38

Kambe Paulo a woni ti to kha ti faneli kutsula ni m'thu wuwa a nga hambana navo Panfiliya, ngu kulamba kuvhunetana navo.

Mithumo 13:13

Paulo ni va a nga ti navo, va to khukha Pafo ngu txitimela, veya hoka Perga ka Panfiliya. Aniko Johani a to va leka e tshumelela Jerusalema.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

2 Timoti 1:15

Wa tiziva ti to votshe va ku Aziya va ni lekile, hagari kwawe kumaneka Figelusi ni Hermogenesi.

2 Vafumeli 12:6

Ku to maheka taku, amu ka dilembe da magumi mambidi ni malembe mararu da kufuma ka Jowasi, vaphaxeli va si se lulamisela mule ku nga onhekela ka nyumba.