Vafilipiya 2:2 - Bhiblia Yo Sawuleka

² tatisani kutsana kwangu, kasiku mi va ni myalakanyo yo fana, lirando limwelo, mbilu yimweyo ni moya wumwewo.

Vafilipiya 2:2 Referans Kwoze

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

1 Vakorinto 1:10

Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.

3 Johani 1:4

Ku walo ti ti ni tsakisako ngutu kupinda kuziva ti to vanana vangu va hanya mu ka ditshuri.

Vafilipiya 2:16

mi humelelisa Dipswi da wutomi, eto ti nava i di kupfaliswa kwangu ka Ditshiku da Kristu, nguko ni na va ni sa tutuma ni kuthuma mahala.

Mithumo 2:46

Ditshiku ni ditshiku va txi khutala kuya tshangana ngu mbilu yimweyo Dithepeleni, va txi bhandelana dipawu mitini kwawe, va txi dya sakudya ngu kutsaka ni kubasa ka mbilu.

2 Johani 1:4

Na tsaka ngutu, nguko ni nga mana vamwani ka vanana vako va txi hanya mu ka ditshuri, madingano ni txirumo txi hi nga txi amukela ka Tate.

2 Vatesalonika 2:13

Kasi i di athu, hi fanete kubonga Txizimu yotshe mbimo ngu kota yanu, vanathu, mi randwako ngu Mkoma, nguko Txizimu txi mi sawute kukhukhela makhatoni, kasiku mi txi huluswa ngu Moya wu wu basisako, ni kukholwa ka ditshuri.

Vakolosa 2:5

Kha ditshuri, hambiko ni ku kule ni nanu ngu ka nyama, kambe ni hafuhi ni nanu ngu ka moya, ni tsaka ngu kuwona mahanyelo anu amanene, ni kutsana ka likholo lanu ka Kristu.

Vafilipiya 4:2

Na kombela ka Evhodhiya, na khongotela ka Sintike, ti to ve engisana ka Mkoma.

Vafilipiya 2:20

Nguko kha ni nga ni mmwani m'thu wa mbilu ya kufana ni yangu, awu a sikotako ku mi khatalela.

2 Vakorinto 7:7

i si nga ngu kubwaka dwe, aniko ngu thavelelo yi a nga yi amukela kwanu. Ene a hi xawutete kunavela kwanu ka hombe, kudila kwanu, ni ku ni gonga kwanu. Se atiya ti ni tsakisile ngutu.

2 Vakorinto 2:3

Ngu toneto, ni mi bhalete mhaka yiya na ni txi mahela tito, mbimo yi ni nota, ni si ta mana dikhodho txitimwi ka dikhodho ka vava ni nga ti dingana kutsakiswa ngu vona, nguko na mi themba motshe, na tiziva tito, litsako langu, litsako lanu nanu.

Mithumo 5:12

Ku ti mahwa sikombiso ni sidiwukiso sasingi hagari ka vathu ngu manza a vapostoli. Otshe makholwa ma ti tshangana m'hubheni ka Solomoni, ngu mpatano wa lirando.

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

Vafilipiya 1:4

Yotshe mbimo, ka mikombelo yangu, na mi khongelela motshenu ngu kutsaka,

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

2 Timoti 1:4

Ngu kualakanya mirongo yako, na xuva ngutu ta tinene kutshumela ni ta kuwona, kasiku ni txi tala ngu litsako.

Mithumo 2:1

Ku di hokile ditshiku da Pentekoste, vagondiswa va ti ti maneka votshe va di tshanganile wukhalo wumwewo.

Filimoni 1:20

Ina, mwanathu, ni na mane kutsakiswa ngu ngawe ka Mkoma. Thavelela mbilu yangu ngu ka Kristu.

Masalmo 122:8

Ngu lirando ka vanathu ni vangana vangu, ni na khani: “Kudikha ku nave ni nawe!”