Vafilipiya 2:17 - Bhiblia Yo Sawuleka

¹⁷ Aniko, hambi idiku mnoha wangu wo theketwa ngu mphaxo wa mhamba, ni kuthumela likholo lanu, na nengela ni va ni tsaka kumweko ni nanu motshe;

Vafilipiya 2:17 Referans Kwoze

2 Timoti 4:6

Nguko ani se ni hafuhi ni kuningelwa nga mhamba ya kubhawa; txikhati txa kurura kwangu txi hokile.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

2 Vakorinto 12:15

Ani ngu kuranda kwangu, ni na ningela sotshe sangu, hambi ani nipune ni na ti ningela, kasi kuvhuna mimoya yanu. Ina li na hunguka lirando li ni randwako ngu lona ngu mhaka ya ku mi randa anu kani?

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

Vafilipiya 1:20

Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

2 Vakorinto 7:4

Na mi themba ngutu ta tinene, na ti guleta ngutu ngu nganu, ni tate ngu kuthavelelwa, ni tate ngu litsako ka sotshe sixaniso sathu.

1 Johani 3:16

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

1 Vatesalonika 2:8

Ngu nzila yo nga toneto, nanathu kota nga ti hi nga ti mi dhunda, hi xuvile kuabana ni nanu i si nga dipswi da Evhangeli ya Txizimu, dokha, aniko hambi ni wona wutomi hi ti ti lava ku wu ningela ngu kota yanu, nguko anu mi vo randeka ngutu kwathu.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Vafilipiya 2:30

nguko a zite e lava kufa ngu mhaka ya mthumo wa Kristu, asi khatali ngu kufa, kasiku e mi tsiveta ka tile mi si sikotiko ku ni vhuna ngu tona.

Mithumo 21:13

Konaho ene a to angula, a txi khene: “Mi dilela txani, mi ni tholako mbilu, kani? Ni ti emisete, i si nga kuya sungwa dwe, aniko hambi kuya fa Jerusalema ngu mhaka ya ditina da Mkoma Jesu.”

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Mitengo 28:6

Awuwa mphaxo wo hiswa wa ditshiku ni ditshiku, awu wu nga txi mahwa mmangoni ka Sinayi, kasi kuva mphaxo wo bhumula wu hiselwako Mkoma.

Mitengo 28:7

Mningelo wa sa kusela wu na va wa mpimo wa wumune wa hini, wa txinvutana txo khata: Vhinya ya yinene yi na thelwa kasi kuninga Mkoma ha wukhaloni ko sawuleka.

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Vafilipiya 2:18

se na nanu nengelani mi va mi tsaka kumweko ni nani, ngu mhaka ya toneto.

2 Vakorinto 4:12

Ngu toneto, lifo li thuma kwathu, aniko wutomi wu thuma kwanu.