Vafilipiya 2:14 - Bhiblia Yo Sawuleka

¹⁴ Thumani totshe mi si ngungurukeli ni kuphikizana,

Vafilipiya 2:14 Referans Kwoze

1 Pedro 4:9

Zivani kuamukelana mbimo yi mi endelanako, na mi si ngungurukeli.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Jakobe 5:9

Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

Varoma 12:18

Zamani kumaha ti mi ti kotako ngu didhawa danu, kasi ku mi hanya ngu kuthutha ni votshe vathu.

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

Jakobe 1:20

Nguko, kuhenya ka m'thu kha ku mahi kululama ka Txizimu.

Vagalatiya 5:26

Hi nga ti guleteni, hi nga vhukaneni, hi nga vengelaneni.

Vagalatiya 5:15

Aniko, ngako mi txi lumana ni kukakatxulana, ti woneleni mi si fuvisani ngu txanu.

Jakobe 3:14

Aniko, ngako mi di ni wukhuxu wo bava ni moya wo ti randa mipune timbiluni kwanu, mi nga ti kuliseni, kambe mi nga wombeni makuhu o kaneta ditshuri,

Varoma 14:1

Amukelani awu a nga mbi tsana likholoni, mi si kanetisani nayo ngu ti a kholwisako tona.

Masalmo 106:25

Va to khata kungungurukela va di matendani kwakwe, ve eyisa sileleto sa Mkoma.

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

1 Pedro 3:11

A na vayilele wubihi, e maha wunene: A na lave kuthutha, e kusimamela.

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

Varoma 16:17

Se na mi kombela ti to mi ti wonela ka va va wusako kuhambana, ni sikhuvekiso, ve tsulupeta gondo yi mi nga gondiswa yona; mi nga pataneni navo.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

Mithumo 6:1

Ngu ka oneyo masiku, ngako mtengo wa vagondiswa wu nga txi anda, vamwani ka vona, ava va nga txi womba-womba lidimi la Txigriki va to khata kungurangura ve sola va, va nga txi womba-womba lidimi la Txihebheru, va txi kha vona tinoni ta ka kwawe ta divalwa kuphamelwani ka sakudya sa ditshiku ni ditshiku.

1 Vatesalonika 5:13

Va xonipheni ngu lirando la hombe, ngu mhaka ya mthumo wawe. Hanyani navo ngu kudikha.

Mitengo 14:27

“Kasi ngu yihi mbimo ni no gwita kutimisela ngu msengeletano wuwa wo biha nga tiya kani? Va na ngungurukela kala mbimo muni kani? Ani ni pfite kusura ka vanana va ka Israyeli, ava va ni mahelako gujeguje tinzeveni kwangu.

2 Vakorinto 12:20

Ngu toneto, na thava ti to ngako ni txi ta, ni nata mi mana mi si nga ka ti ni ti randako, na nanu mi txi ta ni mana ni di ka ti mi si ti laviko. Na thava ti to hagari kwanu ku txi va ni mazunga, kuvengelana, kuhenyelana, wukhuxu, kurukana, kulumbetana, kutikukumukisa, vhilinganya.

Mithumo 15:39

Konaho ku to humelela dizunga hagari kwawe, veza ve hambana. Bharnabhasi a to teka Marku e tsula nayo Kipra ngu txitimela.

Mithumo 15:7

Msana ko wombawombisana ngutu, Pedro a to khukha a txi ema, a txi khene kwawe: “Vanathu, ma tiziva ti to Txizimu txi ni sawute hagari kwanu kukhukhela makhatoni kasiku vamatiko ve engisa dipswi da Evhangeli di txi txhumayelwa ngu txisofu txangu, tito, ve kholwa.

Marku 14:5

Nguko ma ndi na xaviswa ngu male yo pinda mazana mararu a madhenari, kasi maleyo yi txi avelwa ka sisiwana.” Se va txi mu kawuka.

Matewu 20:11

Mbimo yi va nga holelwa, va to khata kukalala ka nyamne wa m'ti, va txi kha vona:

Mavingu 13:10

Kutikulisa kutisa mazunga, aniko wutxhari wu manwa ka vale va ningako milayo.

Marku 9:14

Ku ti ngako va di hokile ka vagondiswa, va to wona dibutho da hombe di di va randete, ni vabhali, va txi kanetisana navo.

Luka 5:30

Se vabhali ni Vafarisi va to ngurangura, va txi kha vona ka vagondiswa vakwe: “Ngu kutxani mi txi dya ni kusela ni vakhupisi ni vaonhi, kani?”