Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.
atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.
Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.
Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,
Ha mi kombelela yotshe mbimo, ti to Txizimu txathu txi txi mi maha ava va fanelwako ngu wutomi wu txi nga mi dhanela wona, txi txi thuma ngu mtamo wa txona ti to yotshe mixuvo yanu ya yinene yi txi tatiseka ngu kuenela, ni mthumo wa likholo lanu.
namisa kwako timbilu tathu, kasi ku hi tsimbila ngu totshe tinzila tako, ni kuveketa milayo yako, ni sileleto sako, ni wululamo wako awu u nga ruma ngu wona vatate vathu.
Se, na vanana vava va sinzi kuvelekwa, na kambe va sinzi kuziva ta tinene ni to biha, kufela kutsaniswa kusawula kuwa Txizimu txi nga kumaha ngu kuranda ka txona,
Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.
Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:
Sekoko vathangeli va vatate va miti ya tihunzu ta ka Judha ni Bhenjamini, ni vaphaxeli, ni Valevhi, ni votshe vale Moya wa Txizimu wu nga va wusa, va to ya kuya aka Nyumba ya Mkoma, wu a ku Jerusalema.
Dianza da Txizimu di ti ti txitimwi ka vathu va ka Judha, di va ninga mbilu yimweyo yo maha kuruma ka mfumeli ni ka vathangeli madingano ni dipswi da Mkoma.
Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.
Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.
Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.